Pa departamento

E intstitutcia le šibengi thaj manušikani memoria (Isof) si jekh themesko departamento ando Švedo. Ame anzaras, čidas andre thaj hulavas haliarimos pa le Švedoske šiba thaj kulture.

Ekspertosko departamento

Ame sam eksperturi pe švedisko šib thaj dialekturi, le natcionalnio minoritoske šiba finlandeziska, jiddish, meänkieli thaj romanes thaj vi le švedisko semnoske šiba. Ande amari ekspertiso buči si vi gavenge anava, manušenge anava, kultura thaj traditcji ando Švedo. Ame sam disponible sa le natcionalnio manušenge thaj sam jekh žutipe ande bute bučarnenge grupi, acocijatcji thaj organizatcji. Ame žutisaras le guvernos materialosa thaj das rekomendatcji thaj vi žutisaras kavre departemon.

Ame rodas taj anzaras opre haliaripe

Ame rodas, zamičis thaj phenas so haliaras pala amare expertoske riga. Ame anzaras opre neve haliarimaske riga thaj vazdas važno gaveske pušimata katar amaro ekspertosko haliaripe thaj la šibaki politika thaj kulturake politikake tseguri.

Ame arakhas thaj čidas andre haliaripe

Ame las sama katar le šiba, le anava thaj katar o immaterialo/abstrakto kulturako materialo. Ame lasame vi pala le gavesko progresso pa šiba thaj kultura thaj čidas andre svaturi thaj haliarimata pa amari vriama. Amaro fysiko thaj digitalnio arkivo si jekh žuvindo memoriako banko savorenge.

Ame das konsiljo thaj hulavas haliaripe

Ame das konsiljo thaj rekomendatcji thaj das atveturi katar o publiko, gazeturi thaj bučaria. Ame sam pe kudo te keras o sičarimos te avel dedrak thaj das svakones posibilita te len thaj te formin le Švedoske šiba thaj kultura.

Ordina katar o guverno

Le švedosko guverno si kai lel disicji pa e buči ando Isof. Katar o guverno las ame svako berš jekh reglimasko lill kai phenel pa le tseguri/gol thaj sosko resultato trubul te avel thaj vi pa le departementoski financia. Amen si amen vi jekh zakonoski ordina pe mai lungo dikhipe kai sikavel amenge sosa te keras buči.

Aktiviteturi pe but gora

Amen si amen pašti 90 bučarne thaj si amen departamenturi ando Göteborgo, Stockholmo thaj Uppsala. Le departamontoske šerutne thaj administratcia si ande Uppsala.