Eiseválddi birra

Giela ja álbmotmuittu instituhta (ruoŧagillii Isof) lea stáhtalaš eiseváldi Ruoŧas. Mii ráhkadit vuorkká, čoaggit ja addit dieđuid gielaid ja kultuvrraid birra Ruoŧas.

Ekspeartaeiseváldi

Mii leat ekspearttat ruoŧagielas, suopmaniin ja ruoŧagiela seavagielas. Mii leat maid ekspearttat dain našuvnnalaš unnitlogugielain: suomagiella, jiddisch, meänkieli ja románagiella. Báikenamat, olbmonamat, kultuvra ja árbevierut Ruoŧas gullojit maid min ekspearta duovdagii. Buot álbmotborgárat, ámmátjoavkkut, searvvit ja organisašuvnnat sáhttet váldit oktavuođa eiseválddiin. Mii veahkehit ráđđehusa vuođđodokumeanttaid ja rekommendašuvnnaid bokte ja mii addit maid doarjaga eará eiseválddiide.

Mii dutkat ja ráhkadit máhtu

Mii dutkat, guorahallat ja cealkit áššiin mat gusket min ekspearttaduovdagii. Min ekspearttadieđuid ja giellapolitihkalaš ja kulturpolitihkalaš ulbmiliid vuođđun mii ráhkadit ođđa diehtoduovdagiid ja čalmmustahttit dehálaš servodatjearaldagaid.

Mii dikšut ja čoaggit dieđuid

Mii dikšut gielaid, nammageavaheami ja immateriálalaš kulturárbbi. Mii čuovvut maid giela ja kultuvrra ovdáneami servodagas ja čoaggit muitalusaid ja dieđuid min dála áiggi birra. Min fysalaš ja digitála vuorkkát leat muitobáŋkkut, maid juohkehaš sáhttá geavahit.

Mii addit rávvagiid ja juohkit dieđuid

Mii addit rávvagiid ja rekommendašuvnnaid. Mii maid vástidit álbmoga, preassa ja ámmátdoaimmaheaddjiid jearaldagaid. Mii doarjut movttiidahttinoahppama ja mii addit buohkaide vejolašvuođa sihke váldit oasi ja hábmet gielaid ja kultuvrraid Ruoŧas.

Bargogohččun ráđđehusas

Ruoŧa ráđđehus mearrida eiseválddi doaibmaeavttuid. Juohke jagi mii oažžut ráđđehusas regulerenreivve gos leat ulbmilat, bohtosgáibádusat ja eiseválddi mearreruhta. Mis lea maid okta guhkilmas njuolggadus mii mearrida maid mii galgat bargat.

Doaimmat máŋgga báikkiin

Mis leat sullii 90 bargi ja mis leat ossodagat Göteborgas, Stockholmmas ja Uppsalas. Eiseválddi stivra ja hálddahus lea Uppsalas.