Fábmudagá birra

Instituhta giellaj ja álmmukmujtojda (Isof) la stáhta fábmudahka Svierigin. Mij gárvedip ja ássap, tjoahkkip ja juohkep máhtov Svieriga gielaj ja kultuvraj.

Ekspertfábmudahka

Mij lip eksperta svieriga giellaj ja giellasuorgijda, nasjonála unneplågogielajda suobmaj, jiddisch, meänkieli ja románaj ja aj svieriga siejvvemgiellaj. Mijá smidudahka aj sisadná bájkkenamájt, ulmusjnamájt, kultuvrav ja tradisjåvnåjt Svierigin. Mij gávnnup gájkka rijkaårrojda ja lip dårja ålo virggejuohkusijda, siebrijda ja lihtojda. Mij lip viehkken ráddidussaj diedoj ja bagádusáj, ja vaddep dårjav ietjá fábmudagájda.

Mij guoradallap lasedip máhtov

Mij guoradallap, åtsådallap ja juohkep mielav sissŋelin mijá sierra máhtudagá. Mij gárvedip máhtudakåssudagájt ja låbddip ájnas sebrudakgatjálvisájt mijá sierramáhtudagás ja giellapolitihkalasj ja kultuvrrapolitihkalasj ulmmelijs.

Mij sujttip ja tjoahkkip máhtov

Mij sujttip gielajt, namáanov ja dav i-materiála kultuvrraárbev. Mij aj tjuovvop sebrudakåvddånimev giela ja kultuvra hárráj ja tjoahkkip giehttojt ja máhtov mijá ájges. Mijá fysihkalasj ja digitála vuorkká li viesso mujttobáŋka ma li gájkajda.

Mij vaddep rádev ja juohkep máhtudagáv

Mij vaddep rádijt ja bagádusájt ja vásstedip gatjálvisájt álmmugis, pressas ja virgálattjajs. Mij viehkedip mielos oahppaj ja vaddep gájkajda máhttelisvuodav váldet oasev ja hábbmit Svieriga gielav ja kultuvrav.

Ámmát ráddidusás

Dat la Svieriga ráddidus mij mierret máhttelisvuodajt Isof:a dåjmajda. Ráddidusás mij juohkka jage oadtjop mierretjállagav mij degu dal sisadná ulmijt ja boadosádnomusájt ja fábmodusá ruhtadoarjjagav. Mij aj adnep guhkaájggásasj njuolgadusá ma mierredi majna mij galggap barggat.

Dåjma moatten bájkken

Miján li birrusij 90 bargge ja adnep åssudagájt Göteborgan, Stockhålman ja Uppsalan. Fábmudagá njunjoj ja háldadus tjåhkkåhi Uppsalan.