Pal vladza

Instituto čhibiengro i vspomienio manušitko (Isof) isi jek panstvovo vladza dre švecja. Jame budinas, skedas i rozglošinas viedza pal švecko čhib i kultura.

Expertitko vladza

Jame sam experti dre švecko čhib i dialekti, te nacionalna mniejšošč narodovo čhib finska, jiddisch, meänkieli i romani teš dre švecko čhib kaj isi niemovunenge kaj rakiren pe migi. Jamari expertiza oblel teš lava foroskre, lava manušengre, kultura i tradicji dre Švecja. Jame sam dostempna sare obivatelenge i sam resurso bute zavodove grupenge, fereningenge i organizacjenge. Jame pomoginas žondoske i das lenge podklado i rekomendacji i das teš vsparčo javire vladzenge.

Jame keras badani i budinas viedza

Jame keras badani, dohodzeni i viphenas jamen dre jamari expertisa. Jame budinas neve obšari viedzakre i hadas važna problemi společna kaj pes opierinen pe jamari viedzakri expertisa celo isi dre politika čhibiakri i politika kulturati.

Jame pielengninas i skendas viedza

Jame pielengninas čhib, sir te uživinel lava a na do materialno džedžictvo kulturovo. Jame teš šledžinas rozvojo dre společenstvo vokolo čhibiati i kulturati i skedas opoviadani i viedza pal jamare čiri. Jamaro fizično i digitalno arhivum isi jek džido banko pamienčakro kaj isi dostempno jamenge sarenge.

Jame doradžinas i rozglošinas viedza

Jame doradžinas i das rekomendacji i odphenas pe pitani společenstvoske, dželnikaženge i kon kerel buti zavodovo. Jame men pšičininas kaj sarenge te javel pšijemnie te siklol i das sarenge možlivošč kaj te javen jek čenšč sir te forminel švecko čhib i kultura.

Zadanio žondosti

Dava isi švecko žondo kaj decidinel pal save decizi i varunki isi te ligirel dre peskri džalalnošč Isof. Žondosti jame doresas so berš pšepisi pravna kaj miendzi inimi isi čhindlo savo isi celo i vimagani kaj dotičinen viniki i vladzakre šrodki(love). Isi jamen teš dlugo termninvo rozpožondzenio kaj decidinel sosa jame sam te kerel buti.

Džalalnošč dre varekici šteti

Isi jamen okolo 90 pracovniki isi od džalo dre Göteborg, Stockholm i Uppsala. Vladzakro zažondo i administracja isi dre Uppsala.

Kontakto

Adaj isi informacja kontaktenca so isi pitani kaj dotičinen romen i ogulna pitani te vladza.

Instutucja pal čhib i manušengro spomnienio (Isof) isi jek panstvovo vladza. Dava značinel kaj dova so tu bičhaves ke jame pe e-post albo počtasa čhel jek dokumento publično kaj každo kon kamel to moginel te dikhel.

Pitani pal romendi

So isi tut pitani pal romani čhib mognies te lel kontakto jamare romane čhibiakre opiekunosa.

Telefono
0200-24 11 11

Telefonoskro čiro
Ftorko 9-12

E-post
romska@isof.se

Ogulna pitani te Isof

Uživin švecko čhib sir les kontakto jamenca pal ogulna pitani.