Direktivno grupa pi romani

Ando marciušesko šon tu šaj so san privatno ženo vadj organizaciovo so tu eventualno san nominalin kandidaton pi direktivno grupa so avela šibakocentro pi romani šib.

Isof šola jekh direktivno grupa sakone jekhe nationelna šibakecentroste. E direktivno grupaki butji avela te dikhel pala e Isofoski butji te kerel opre i butji taj te del žutori taj konzultaciovo andi butji, sar vi so žalpe i butji ando aktivitatcijovo (verksamhet).

Akanik tu vadj o eventuelno organizaciovo so san šaj nominalis kandidatos pi direktivno grupa. Pe kadi rig iskirinas sar žalpe taj so lešijpe khatar i direktivno grupa te kerel. Tu nominalis jekhe ženes kana ande iskirindan ande kado formuleringo.

Puš e ženes angluneske

Importantoj tu so nominalis jekh ženes angluneske te pušes kodala ženes ke mukel te nominalis les/la, ke tu ande site bišaves kodale ženeske kontaktura. Khate šaj gines sar keras e ženenge kontaktonca.

So kerela i direktivno grupa?

E direktivno grupaki butji avela te dikhel pala e Isofoski butji te kerel opre i butji taj te del žutori taj konzultaciovo andi butji, sar vi so žalpe i butji. Kana a šibakocentro stabilizalindaspe kidelpe i direktivno grupa e Isofoske butjarenca sar štarval ando berš. Kadala maladjimata butivar avena digitalt, de vi fizicka maladjimata šaj avela. A direktivna grupaki butji si:

• te del žutori taj konzultaciovo e phuterimasa po nationelno šibakocentro tela 2022
• te del žutori taj konzultaciovo pala o phuterimo a šibakacentroska butjasa
• te žutij te prioritalij so te keren po berš, pala kodo ke hodj so trubuj respektivna kodala šiba
• te žutij a šibasa taj kulturake kompetencosa
• te žutij e netverkosa ke hodj te rakhen ženen pi khetanutni butji anda o societi, intresalime organizaciovon taj avren
• sako berš phenel sar šaj avel maj feder taj te bujharen a šibakocentroski butji.

Šaj i direktivno grupa maladjol bi e Isofosko?

Jo. Angla sako maladjimo a šibakocentrosko butjakešefosa delpe šanca pe jekh angle maladjimo numa i direktivno grupake.

Dena love a direktivna grupa?

Jo. Direktivna grupa delpe love pe kodo maladjimo pe sos khardej, de na po angle maladjimo. O Isof potjinel o drom, o sojimo kana trubuj te maladjon.

Ketji lungo vrama si sar delegato (ledamot) andi direktivno grupa.

E delegatura avena khatar e panž ži ka e efta. Jekh delegato avela pe trine beršen taj šaj lunžaren jekh mandatoskoperiodo inke. Maksimalno šov berš.

Kon phenel ke hodj kon si ando direktivno grupa pala o nomineringo?

E Isofosko generalno direktori phenel ke kon avela andi direktivno grupa, pala e nomineringoski vrama načilas taj e nomineringosko fundamento avri ginde. Andi direktivna grupa trubuj te aven hamime vi maj terne taj vi maj phure, vi murš taj vi žuvja, taj georgraficka anda maj bute thanen. E delegatura trubuj te avel varialime kompetenconca, sar varialime dialektura romanes, pedagogija, komunikaciovo, revitaliseringosko žanimo taj but kontaktura.

Kas me šaj nominalij?

Tu šaj nominalis ženes so gindos ke peske žanipesa žutija a šibakecentros. Si šanca vi te nominalin pe korkori pen. Kodala kon butji keren po Isof naštig aven nominalinle. Jekh ženo kon avrij lino andi direktivno grupa mangel taj denles jekh butji ka a Šibakcentro/Isof naštig avel majdur sar delegato ando direktivno grupa.

Sar kerav kana nominalinav taj ketjen šaj nominalinav?

Hasnin o webformuleringo pe kadi rig taj iskirin ande kodo informaciovo so e Isofos trubuj te birij te lel avri representantos andi direktivno grupa. Tu šaj nominalis majbute ženen, de gindon ke ame kamas te aven vi phure taj vi terne, vi murš taj vi žuvja taj georgraficka anda majbute thanen.