Nevimasko lil 4 šibako centro
Tela le berš 2022 o Isof site thol po than nacionalie šibake centruri pe sama le minoritonge šiba pe finlandezisko, jiddisch, meänkieli thaj romanes. Kadia buči lape de anda gor pe dialoguria, te thon direktivo grupi, šutimos katar bučake koleguri thaj te arakhen lokaluria ka šibako centro vuže getosaili e vriama. De katar e tumnia 2022 site lel pe o teliarimos katar o natcionalnio centro kusa le neve bučaria thaj le šerutne avena po than.
Importanto ginduria ande dialogoske kidimata
Mai anglal sar te thon po than la šibako centro o Isof phenel ke importanto si kai sas len dialoguri kusa le diferentno aktoruri te šai diskutin thaj te šai kiden andre ginduria. Ame kerdam puterde ketanimaske konsiljuri kudolenge kai den duma pe le nacionalnio minoretoske šiba finlandezisko, jiddisch, meänkieli, thaj romanes, le minoritetonge organizatcji, le universiteturi kai len ordina (misia) te keren buči kusa le nacionalnio minoritoske šiba thaj le minoritonge kordinatoruri ande komuni. Ame ande sa kadala dialoguri lam amentca važni ginduri thaj ideji pa la šibako centroski buči thaj pa šutipe pa šibako centro.
Direktivoske grupi
O Isof tela e prima vera toda jekh direktivo grupa pe svako šibako centro. Le direktivoski grupa keren buči sar jekh expertoski grupa thaj si len jekh importanto buči te phiraven thaj te žutin la šibako centro ande leski buči. Svako direktivoski grupa si len panž ži kai šov membruri kai representin le ženen thaj lenge šiba. Sa le direktivoske grupi sas len aba lengo angluno kidimos thaj mai site len pe thaj site žutin o thodipe katar la šibako centro.
Pe amari weboski rig šai djines mai but pa le direktivoski grupa thaj lengi buči thaj kon von si:
Neve bučarne ande la šibako centro
O šutipe katar bučarne ando šibako centro vuže gata ando pervo(angluno) paso. Le neve bučarne site len pe peske bučantca pala o milaj. Katka si kudola kai si gata:
- Šibako centro finlandezisko − duj šibake žutitoria si gata, rodipe katar bučako šerutno inke roden.
- Šibako centro meänkieli ando Övertorneå − jekh bučako šerutno thaj jekh šibako žutitoro si gata.
- Šibako centro meänkieli ando Kiruna – jekh šibako žutitoro.
- Šibako centro romanes – jekh bučako šerutno thaj duj šibake žutitoria.
- Šibako centro jiddisch − duj šibake žutitoria si gata.E buči sar bučako šerutno pale site šon avri pala o milaj.
Ame das djes lašo kai amare neve koleguri kai o isof!
Nevi sektcia ando la šibako centro
Amare štar šibake centruri avena ketane todine pe jekh than (sektcia) tela jekh nevi sektcia ando Isof kai avela responsable pe nacionalnio minoritenge šiba thaj kultura. E poziciona sar bučako šerutno avela todini tela o milaj.
E poziciona sar sektciaki šerutni avela e Harriet Kowalski o 1 juli, voi akana la sektciaki šerutni kai la šibako konsiljo. Kana e Harriet del ande peski buči lel o responsablimos ande dujto paso ande buči pa šibako centrosko ketanipe – o teliarimos djinen ke šai žjal ži kai o oktober. Pala kudo site avel o nevo bučako šerutno po šibako centro te avel responsable sar trubul o kerimos.
Lokaluri thaj bučako ketanipe
Tela o paso le teliarimos o Isof la but kontakturi te šai diskutin ketanimaske buča karing le lokaluri thaj ketanimaske pušimata. Ame vi kerdam vizita ando Övertorneå thaj kiruna. Akana dam gata le lokaluri pe svako åibako centro:
- Šibako centro finlandeziska site hulaven lokaluri me Institutcia pe šiba thaj manušikani memoria ando Uppsala.
- Šibako centro meänkieli ando Övertorneå site hulaven lokaluri me Nordkalottens kultur- och forskningscentrum Kotse si vi e resurs biblioteka pe meänkieli placime.
- Šibako centro meänkieli ando Kiruna site avel lengo bazo ando Malmfältens folkhögskola.
- Šibako centro romanes site avela todino ande institutcia pe šiba thaj manušikani memoria (la šibako konsiljo)ando Stockolmo.
- Šibako centro jiddisch site avela todino ande institutcia pe šiba thaj manušikani memoria (la šibako konsiljo)ando Stockolmo.
Čire ginduria si amenge važno
Ame pleznajis o baro starajimos thaj o intereso kai si pa o instalaciono pa nacionalnio šibako centro. Pe amari weboski rig šibako centro isof.se/sprakcentrum
External link. šai djines pa teliarimaski buči thaj te si tut pušimata vaj ginduria šai ramos amenge po elektroniko lil sprakcentrum@isof.se!
/Ann Heimer,
projektledare för språkcentrumarbetet på Isof