So site kerel la šibakocentro?

Isofoski propozitcia pa o instalaciono katar la šibakocentro si propozitcia ke e generalnio buči katar jekh šibakocentro trubul te žjal avri pe kudo te avel auktualnio žutipe pe le minoritengo trubupe thaj si len čačipe te len palpale peski šib kudole dromesa te keren buči aktivno te vazden thaj te keren stimulatcia te šai uzin e šib mai but, te zuriaren le manušeske posibilita te uzin thaj te len palpale peski šib thaj te rispin žanglipe pai e šib thaj sar mai mišto te revitalizilpe.

Svako šibakocentro site ankalaven avri jekh jazno bučako plano, numa uni generalnio buča si sa jekh fialo ande sa la šibakecentruri. O gol pe mai lungo vriama angle žjal avri pe kudo ke trubul te vazdel pe o uzimos le šibengo opre vi individualnio thaj vi ando gav generalnio thaj vi te žutil o manuš te šai žjal mišto o hulajimos mai angle pa natcionalnio minoritonge šiba thaj kultura kai amari kaver generatcia.

Te keres buči natcionalnio kusa thaj le žjenentca kai den duma pe peski šib ande antrego them

La šibakocentro site:

• Kerel buči pala le minoritengo trubupe thaj situatcia kaste svako manuš te avel leske mai vušoro te lel palpale thaj te uzil e šib.
• Ketane buči kusa aktoruri te šai aresen kai le žjene kai den duma pe peske šiba pe antrego them.
• Kana godi te keren analyzia pe le šibengi situatcia pe svako natcionalnio minoriteto ando ketanimos kusa la šibakokonsiljo ando isof.
• kana godi te keren analyzia pe peske revitalitciake buča.

Te vazden thaj te sikaven metodi ande šibaki revilitacia ando Švedo

La šibakocentro site:

• Vazden metodi ande šibaki revilitacia pa minoritoske šiba.
• te čiden andre, dokumenterin thaj sikaven laše exempluri thaj experianca katar šibaki revilitatcia ande nacionalnio, lokalnio thaj internacionalnio than.
• pe diferentno droma te žutin familjen ande šibako ingerimos thaj manuš kai uzin peske šiba.

Ketanimos kusa thaj te žutil o manuš kavre aktoron ande revitaliciaki buči

La šibakocentro site:

• Keren ketane buči kusa le kaver šibakecentruri ando Švedo internacionalnio thaj kusa le komuni, regioni,edukatciake aktoruri, žutimaski biblioteka, autoritake byrovuri, asociatcji thaj organizatcji pe antrego them.
• te keren thaj te aven andre ande seminaruri thaj konferenci kai amboldenpe kai le aktoruri pe ružni thana.
• Te ingeren haliaripe pa, experianca pa thaj metodi pa šibaki revitalizatcia, thaj haliaripe pa nacionalnio minoritongo kulturako barvalipe thaj o nacionalnio minoritoski šibaki historia thaj kondicionuri.

Te keren buči avrial informatciasa pa thaj postavasa zi kai le natcionalnio minoritoske šiba

La šibakocentro site:

• Te sikavel ke le natcionalnio minoritoske šiba si hotime thaj ke šai žjalpe te revitalizinpe.
• Te den informatcia pa le minoritonge šibake čačimata.
• Te den than la šiba ando gav.