Novinengro lil 5 čhibiakro centrum

Te 2022 isy te Isof pal zadanio kaj te začhuvel nacjonalno čhibiakro centrum dre do nacjonalna mniejšoščakre čhibia finska, jiddisch, meänkieli i romska. Od čhonesty vžešinio isy but dole kaj keren buty juš pe šteto i kana keras buty kaj te ščhuvas jek vspulno grunto dre do štar nacjonalna čhibiakre centrum. Te ješen jame teš ustalinasam dova so isy naj važnedyr kaj te šunel i te lel čenšč do očekivaniendy save isy pe čhibiakro centrum te do nacjonalna mniejšošči.

Vspulna prezentacjakre dyvesa

Jame sam dre jek intensyvno cyro kaj budynas jek vspulno kompetencjakro grunto teda zadanio. Dava pes kerel dre vevnenčno syklakirben i školenio. Dre školenio isy varekicy vyklady kaj te hadel čhibiakry revitalizacja.

Te vžešnio to Lennart Rhodin kerdža vyklado pal nacjonalno mniejšoščakry politikakry rozvojo, Kaisa Syrjänen Schaal pal drom i deczyia pal nacjonalno čhibiakro centrum i Jarmo Lainio pal Europeiskro rada i opinia pal švecko mniejšoščakry politika. Isof:s nevo revilitazcjakro experto Sari Pesonen kerdžia vyklado pal važna elementy kaj isy vplyvo pe čhibiakry zor i do čhibiakre politikakro experto, Jennie Spetz, kerdžia vyklado pal Isof:s ružna zadani kaj čhibiakro centrum lija decyzia.

Grupa kaj žondžinel rakhen pes

Te každo čhibiakro centrum isy jek grupa kaj žondžinel, lakro zadanio isy kaj te kierinel i te pomoginel te poščegulno čhibiakro centrum i te lengry buty. Sare grupy kaj žondžinen jone pes raktle pe viosna i pale dre šerpnio te dalšo čenšč javena aktyvna i zangažovana. Te začhuiben i rozbudova te čhibiakro centrum.

Nevo šefo dre čhibiakro centrum

Do štar čhibiakre centrum isy instalovana pe neve začhude odžialy te nacjonalna mniejšoščakre čhibia i švecko niemovunengry čhib. Pe odžialo, kaj ligirel Harriet Kowalski, odoj isy duj odžialy: odžialo pal čhibiakry opieka i odžialo pal čhibiakro centrum. Te mijal čhela Anna Gezelius odžialoskro šefo pe čhibiakry opieka i Elina Majakari dorešča pal zadanio kaj te čhel odžialoskro šefo pal čhibiakro centrum i stopniovo javela pe šteto ješeniake.

Adaj isy nacjonalno čhibiakro centrum

Zaloga(personalo)te nacjonalno čhibiakro centrum i lokaly te každo čhibiakro centrum dogene dur.

Adaj mogines pes tu te doresel te odpoviednio čhibiakro centrum i lengre pracovniki:

Dalšo rakirben pal čhibiakro centrum

Te začhujiben do nacjonalno čhibiakro centrum isys važno te Isof kaj te rakirel ružne manušenca i te dyskutynel i te lel ružna poglondy. Jame dre da sare rakiribena doreščam važna myšli i pomysly pal čhibiakro centrumoskro džalalnošč i začhuiben čhibiakro centrum. Te ješen nadal jame šunasam save isy očekivani pe do čhibiakro centrum te do nacjonalna mniejšošči.

Tire poglondy isy važna

Jame doceninas do baro zangažovanio i začekavienio pal začhuiben do nacjonalne čhibiakre centrum i lengry džialalnošč. Pe jamaty čhibiakro centrum webb isof.se/sprakcentrum External link. mogines te čytynel pal buty i so isy tut pytani i poglondy pal čhibiakro centrum to mogines te lel jamenca kontakto pe počtakro adreso sprakcentrum@isof.se

/Harriet Kowakski, šefo odžialosty te nacjonalna mniejšoščakry čhib i švecko niemovunengry čhib i Elina Majakari, šefo odžialosty pal čhibiakro centrum pe Isof

Published 13 December 2022
Last update 13 December 2022