Nevipaskoroljil 4 čhibjakoro centri
Ko 2022 berš o Isof isi ole buti te etablirinel nacionalikane čhibjengere centrija e minoritetikane čhibjenge ki romani čhib, finsko, javudikani thaj meänkieli. Ki akaja keribaskiri faza o fokus sine ko dialogija, te keren pe e ingaribaskeregrupe, regrutiriba neve butikeribaskere manuša thaj te arakhel pe lokalija e čhibjengere centrenge, sa odova lela te ovel kerdo e neve butikeribaskere manušencar thaj e šefencar.
Važna dikhiba ko dialogeskere khediba
Anglo etabliribe o nacionalikane čhibjengere cetrija bašo Isof sine važno te ovel doalogo razna akterencar aj te šaj te diskutirinel pet haj te khedel pe sar o javera dikhena ki akaja buti. Amen sine amen phravde maškargodidejbaskere kheida okolencar so vakerena ja pale so ingarena o nacionalikane minoritetikane čhibja, romani čhib finsko, javudikani ja pale i meänkieli, e minoritetikane organizaciencar, e univerzitetencar so isi olen zadača te keren buti e nacionalikane minoritetikane čhibjencar thaj e minoritetikane kordinatorencar ko komune. KO sa akala dialogija amen leljam amencar važna misle thaj ideje bašo čhibjengere centrengere butikeribe thaj olengoro etabliribe.
Ingaribaskeregrupe
Ko anglonilaj o Isof kerdža bašo sakova čhibjakorocentri jek ingaribaskirigrupa. O ingaribaskeregrupe funkcinirinena sar ekspertikanegrupe thaj isi olen jek važno rolja kori so olengiri buti tani te ingaren thaj te den dumo e čhibjakere centre ki oleskiri buti. Sakoja ingaribaskirigrupa tani kerdi kotar pandž dži ko šov reprezentantija kola so reprezentirinena e čhibingararen. Sa o ingaribaskere grupe sine olen olengoro jekto khedibe thaj ola ka produžinen te pratinen thaj te den dumo te etablirinen pe e čhibjengere centrija.
Ko amaro webbthan šaj te čitine buteder bašo ingaribaskeregrupengiri buti thaj kola tane reprezentantija:
Neve butikeribaskere manuša ko čhibjengere centrija
O čhijbe manušen ki buti bašo startibe o nacionalikane čhibjengerecentrija tano kerdo. O neve butikeribaskere manuša ka len te keren pli buti palo o nilaj. Akala regrutiriba tane kerde:
- Čhibjakorocentri finsko – duj čhibjengere barakerarija tane bučakerde, o regrutiribe butikeribaskoro ingarari nane kerdo panda.
- Čhibjakorocentri meänkieli ko Övertorneå – jek butikeribaskoro ingarari thaj jek čhibjakoro barakerari tane bučakerde.
- Čhibjakorocentri meänkieli ki Kiruna – jek čhibjakoro barakerari.
- Čhibjakorocentri romani čhib – jekbutikeribaskoro ingarari thaj duj čhibjengere barakerarija.
- Čhibjakorocentri javudikani čhib – duj čhibjengere barakerarija tane bučakerde. I buti sar butikeribaskoro ingarari ka čhivel pe pale ko anonsija palo nilaj.
Amen phenaja amare neve kolegenge šukar alen ko Isof!
Nevo kotoripe/odelenje bašo čhibjakoro centri ko Isof
Amare štar čhibjengere centrija ka oven sarine čhivde ko jek than ko jek nevokerdo odelenje ko Isof so ka ovel ole odgovornost bašo nacionalikane minoritetengere čhibja thaj kultura. I buti sar odelenjeskoro šefi ka regrutirinel pe ko anglonilaj.
Kotar o 1 juli ko butikeribaskoro than sar kotorinakoro šefi khuvela i Harriet Kowalski, oj momentalno tani šefi ko Språkrådet. Keda i Harriet ka lel te kerel pli nevi buti tegani oj lela ko ple vasta o odgovornost baši javer faza ko čhibjengoro centrengiri buti- e startibaskiri faza računinela pe te ovel sa dži ko oktombar masek. Palo odova e nevejekhinakoro šefi bašo čhibjengoro centri ka odgovorinel bašo keribe i buti.
Lokalija thaj lokalengoro maškarbutikeribe/suradnja
Ki etabliribaskiri faza o Isof sine ole pherdo kontaktija kori so diskutirindža pe i suradnja/sorabotka bašo lokalija thaj zaednička pučiba. Maškar o javer amen siam sine ko Övertorneå thaj Kiruna. Akana i sa kerdo e lokalencar bašo sakova čhibjakorocentri:
- Čhibjakorocentri ki finsko ka ulavel lokalija e Instituteja bašo čhibja thaj folklori ki Uppsala.
- Čhibjakorocentri ki meänkieli ko Övertorneå ka ulavel lokali e Nordkalottens kultur- och forskningscentrum kori soj placirimi thaj i resursikani biblioteka baši för meänkieli.
- Čhibjakorocentri meänkieli ki Kiruna ka ovel ole i baza ko Malmfältens folkhögskola.
- Čhibjakorocentri romani čhib ka ovel placirimo ko Instituti bašo čhibja thaj folklori (Språkrådet) ko Stockholm.
- Čhibjakorocentri javudikani čhib ka ovel placirimo ko Instituti bašo čhibja thajfolklori (Språkrådet) ko Stockholm.
Tle dikiba tane važna
Amen ceninaja o baro angažiriba thaj interesi so isi bašo keribe o nacionalikane čhibjengere centrija.
Ko amaro čhibjengoro centrengoro webbthan isof.se/sprakcentrum
External link. šaj te čitine sar džala i buti thaj te isi tutdisave pučiba thaj te mangea te de amen tle dikhiba tegani tu šaj te kontaktirine amen ki akaja e-pošta adresa sprakcentrum@isof.se!
/Ann Heimer,
projekteskiri ingarutni baši i buti e čhibjengere centrea ko Isof