Nevipaskoro ljil 1 čhibjakoro centri

Ko januari akava berš o Isof lelja te planirinel o keribe čhibjakorocentri, o cili tano buteder taro odola centrija te šaj te phravdžon ko 2022 berš.

Lindor dumodejbe kotar razna kompetencie taro vlasti thaj taro lafivakeribe kotar maškargodidejbaskere khediba - i buti džala angle. Ko amare čhibjengoro centreskoro webbtan šaj te čitine (drabare) bašo e butikeribaskoro angledžajbe: isof.se/sprakcentrum External link..

Buteder maškargodidejbaskere khediba sine ikerde

Ko februari masek e Isof-e sine buteder maškargodidejbaskere khediba ko sa akala javera čhibja – tari jek strana ola kerdže pe e organizaciencar so reprezentirinena e nacionalikane minoriteten, tari dujto strana sine phravde maškargodidejbaskere khediba okolenge so vakerena odola čhibja ja pale tane interesirime e čhibjendar. Sa ko sa sine amen enja maškargodidejbaskere khediba thaj dikhljam amen 125 dženencar. Sine thaj asavko šajipe okolenge so mangle te mukhen pumaro dikhibe thaj misle ko jek webbformulari.

Ko maškargodidejbaskere khediba maškar o javera buča diskutirindžam sar ka kerel pe i buti thaj sar ka del pe šajipe e nacionalikane minoritetenge te uticinen e ingaribaskeregrupencar bašo sakova čhibjakoro centri. Sine dialogo thaj bašo odova save manuša ka khuven andre ko ingaribaskeregruppe thaj olengoro odgovornost.

Nominiribe bašo ingaribaskere grupe

Ko mart masek šaj tu sar prifatno dženo ja pale sar dženo so sijan eventualno ki jek organizacija , šaj te nominirine kandidaten baši ingaribaskiri grupa so ka kerel pe bašo sakova čhibjakoro centri. Tu šaj te nominirine dženen so tu pačaja kaj ola šaj te den pestar džanibe ki butikeribe e čhibjakere centreske, ama važno tano o džene te džanen hem te složinen pe kaj tu mangea te nominirine olen. Čitin buteder baši ingaribaskeregrupe thaj sar kerela pe o nominiribe ko amaro webbthan isof.se/sprakcentrumstyrgrupper External link..

E ingaribaskeregrupengoriri uloga angleder te keren pe e čhibjengere centrija ka ovel te dikhel e Isof-eskiri buti sar vazdel pe o butikeribe thaj te den amen dumodejbe thaj godidejbe ki odoja buti. Keda o centrija ka oven kerde tegani o ingaribaskeregrupe ka kheden pes štar var ko berš.

Butikeribaskoro opišibe

O Nacionalikane čhibjengere centrija ka den dumodejbe thaj džanibe kola so ka ločharen e čhibingararenge (språbärare) ki sa i phuv te šaj ola te ikerkeren, te len palal thaj te džan angle ple čhibaja thaj te šaj o nacionalikane minoritetikane čhibja te dživdinen ponodori ki Švedija. Ko maškargodidejbaskere vakeriba sine diskusije bašo odova so ka ovel ko butikeribe, plus odova sine šajipa te vakerel pe ko so mangela thaj te den pumaro džanibe keda i ko pučibe sakone čhibjengere preduslovija thaj potrebe.

Bašo sakova čhibjakoro centri o rezultati taro dialogija bašo butikeriba ka ovel sar fundamenti bašo jektobutikeribaskoro opišibe. O planirimo pravco bašo sakova olendar palo odva ka pratinel pe thaj ka diskutirinel pe ko ingaribaskeregrupe ko anglonilaj.

O buča ka objavinen pe

E osnovno točkaja so ka ovel o butikeribe ko čhibjengere centrija, o Isof lelja te planirinel sar ka čhiven pe manuša ki buti keda i ko pučibe o butikeribe. Ko anglonilaj ka objavinen pe buteder butikeribaskere thana thaj ola ka buvljaren pe ko amaro webbthan isof.se/sprakcentrum External link. , ko nevipaskoroljil, ki Isof-eskoro Linkedin than thaj ko javera kanalija. Dikh o nevipa so ka ikljon avri bašo butikeribaskere thana thaj ka ovel šukar te buvljare olen maškar o interesirime džene!

Dialogo bašo lokalija

Čhibjakoro centri baši finsko čhib ka kerel pek i Uppsala, baši javudikani čhib ko Stockholm, baši meänkieli ki Kiruna thaj Övertorneå thaj baši romani čhib ko Stockholm. Akana isi amen dialogo komunencar thaj vlastencar bašo eventualikano lokalengoro keribe buti jekhethane ko sa odola thana. Amen ka vakera buteder bašo akava ko amaro avutno nevipaskoroljil.

Tle dikhiba i važna

Amen ceninaja kaj isi baro angažmani thaj interesi bašo keribe o nacionalna centrija, odolea so sine amen o maškargodidejbaskere khediba thaj khedindor o dikhiba othar leljam važna misle thaj ideje bašo ponodorutno butikeribaskoro planiribe. O avutno nevipaskoroljil ka publicirinel pe ko krajo kotar o mart masek. Te isi tut disave pučiba ja pale dikhibaskere točke baši amari buti bašo keribe e čhibjengere centrija, tu šaj kontaktirineja amen e-poštaja ki akaja adresa sprakcentrum@isof.se!

/Ann Heimer,
projekti ingarutni bašo čhibjengoro centrengiri buti ko Isof