Nevimasko lil 2 šibakocentro
Tela o 2022 o Isof etableralija nationelno šiakocentro po finicko, jidiš, meänkeli taj romano taj khate ande kado nevimasko lil šaj gines sar i butji žal angle. Tela o marciuši taj apriluši o fokusi sas pe kodo te šol a direktivna grupa taj te rekritalij neve butjaren ande amaro šibakocentro.
Direktivna grupako khetanešutimo
O 31 marciuši sas o paluno djes te nominalin andi direktivno grupa taj ame lam but nomineringura pe kadala majbut feliticka šiba. Vorta akanik ame keres butji te las avri i direktivno grupa taj amaro cilo si te avas gata pala i patradji.
Direktivna gruapaki butji si angla kodo sar phutren a šibakocentro ke te dikhel pe o Isof te kerel i butji taj te del ame žutori taj konzultaciovo ande kadi butji. Kana a šibakocentro mišto etableralindaspe maladjol i direktivno grupa sar štarval po berš.
Gin majbut pa a direktivna grupaki butji taj sar o nomineringo gelas pe amari webrig. isof.se/sprakcentrumstyrgrupper.
Ame rodas bute neve butjaren kon amenca šaj kerena butji
Vorta akanik rekritalinas butjake ingeratores (verksamhetsledare) taj šibake žutores (språkfrämjare) ka a šibakocentro. O paluno djes te mangen si o datumo kaj e šiba:
- Meänkieli ando Övertorneå – o paluno mangimasko djes sas 4/4
- Finicko – o paluno mangimasko djes sas 10/4
- Jiddisch – o paluno mangimasko djes 20/4
- Romska – o paluno mangimasko djes 20/4
- Meänkieli andi Kiruna – o paluno mangimasko djes 22/4
O nationelno šibakocentro avela jekh nevi rig po Isof kas avela o cilo e nationelna minoritetoske šiba taj kultura. Anda kodo rodas inke majbute butjaren pe kodi rig taj pek vrama butjaren tela e etableringoskofaza, sar šibake gindatores andi meänkieli taj šibako gindatori andi romani.
Tu rakes e intregi butja so si aktuelna taj so avena pe amari webrig isof.se/jobbapasprakcentrum taj pe e Isofoski Linkedln rig taj avera kanala.
Vizita ando Övertorneå taj Kiruna
Šibakocentro pi meänkieli etablarijape ando Övertorneå taj Kiruna tela 2022. Ando Övertorneå si khetanutni butji e Övertorneåvoske komunosa taj rezursbibliotekosa pi meänkieli po Nordkalottesko kultura taj rodimaskocentro. A šibakocentrosko butjako ingeratori taj a šibako žutori placerazijape ando Övertorneå taj inke duj šibake žutorenge avela lengo bazo andi Kiruna.
5-6 apriluši vizitalindas o Isof e Övertorneåvos khetane e komunoske representantonca, manušengi skola (folkhögskola) taj e rezursbibliotekosa te dikhen pe e lokalura taj te planerazin a butjako than po rezursbiblioteko taj šibako centro. Von kamen ke ande a šibakocentro te aven žene pala o milaj taj e lokalura is gata te aven. O Isof maladjilas vi e lokalna kedipenca (föreningar) taj a Švedickona khangerasa.
4-5 majuši o Isof žal pi vizita andi Kiruna te lel te kerel i butji pa a šibakocentro a Kirunake komunosa taj Sametingosa. Khetane e Sametingosa o Isofos dine misija te rekomendalij indikatoron te žanen te dikhen sar i nationelna minoriteticko šib barol/žal angle.
Tjire opinji si importanta
Ame lošas kodale bare engagemangoske taj intresoske so si anda kodo ke avela nationelno šibakocentro taj e khetanutne konzultaciovura taj khetanutne butja dine ame importanta gindura taj idevura pe planeringoskibutji so avela. Ando majuši avela o aver nevimasko lila publikalime.
Pe amari šibakocentroskowebo isof.se/sprakcentrum šaj gines sar i butji žal angle taj te si tu pušimata vadj opinji pe amari butji ke sar avela a šibakecentrosa šaj kontaktolines ame pe amari e-postako adresi: sprakcentrum@isof.se!
/Ann Heimer,
projektledare för språkcentrumarbetet på Isof