Nevipaskoro ljil 5 Čhibjakorocentri
Ko 2022 berš isi e Isof:e sine dindo i buti te etablirinel nacionalikane čhibjengere centrija e nacionalikane minoritetikane čhibenge kola tane: i romani čhib, finsko, javudikani čhib thaj i meänkieli. Kotar o september masek pherdo kotar o manuša so kerena othe buti tane ko than thaj kerena te ovel jek barabarikano (zaedničko) fundamenti akale štare nacionalikane čhibjengere centrenge. Plus odova ko anglojeven amen ka prioritirina thaj ka šuna kotar o nacionalikane minoritetija, soj odova so adžikerela pe te keren e čhibjengere centrija.
Barabarikane introduciribaskere divesa
Amen siam ko jek intenzivikano periodi kori so keraja jek barabarikano kopetencijakoro fundamenti baši buti soj amenge dindi. Odova kerela pe barakeribaja i kompetencija thaj školujbaja. Ko školujbe khuvena thaj disave predavanja bašo čhibjakoro revitaliziribe.
Ko septembar masek maškar o javera sine o Lennart Rhodin thaj ikerdža predavanje baši nacionalno minoritetikano politikakoro angledžajbe, i Leena Huss vakerdža bašo čhibjakoro revitaliziribe thaj o angluno butikeribe ko odova, i Kaisa Syrjänen Schaal vakerdža bašo o drumo sar andže pe čhinavina (rešenija) bašo nacionalikane čhibjengere centrija. A o Jarmo Lainio vakerdža bašo Evropikano godidejbaskoro kontroliriba e švedikane minoritetikane politika. E Isof:eskiri nevi revitaliziribaskiri ekspertka Sari Pesonen, vakerdža bašo o faktorija so uticinena upro jekhe čhibjakoro dživdipaskoro zoralipa. A i Jennie Spetz, koja tani čhibjakoro politikano rodkerari, oj vakerdža bašo e Isof:eskere sajavera buča soj tane dinde angleder te anel pe sine rešnje bašo e čhibjengere centrija.
Ingaribaskere grupakere khediba
Bašo sakova čhibjakoro centri isi jek ingaribaskiri grupa kas so isi buti te sikavel o drumo thaj te del dumo e respektivno čhibjakere centre ko oleskoro butikeribe. Sakone ingaribaskere grupa sine jek khedibe ko anglonilaj thaj o dujto sine olen ko avgust masek, thaj ola ka oven ponodori aktivno hemime ko butikeribe thaj ko butikeribaskoro angledžajbe ko čhibjengere centrija .
Nevo šefi bašo čhibjengere centrija
O soštar čhibjengere centrija tane placirime ki nevikerdi ulavin (odelenje) bašo nacionalikane minoritetikane čhibja thaj švedikani nišanikani čhib. Ko odelenje, kova so ingarela pe kotar i Harriet Kowalski, isi duj jekhina: i jekhin bašo čhibarakhibe thaj i jekhin bašo čhibjengoro centri. Kotar o nilaj khudža i Anna Gezelius sar jekhinakoro šefi baši jekhin bašo čhibarakibe a i Elina Majakari dendža pe lake i buti te oven jekhinakoro šefi bašo čhibjengoro centri thaj oj ka ovel ko than ko anglojeven.
Akate tane o nacionalikane čhibjengere centrija
O čhijbe manušen ki buti ko nacionalno čhibjengere centrija thaj i buti bašo olengere lokalija bašo sakova čhibjakoro centri - reslja pe dosta dur odole bučaja.
Akate tele šaj kontaktirineja e sakone čhibjakere centre thaj e manušen so kerena buti othe:
- Čhibjakoro centri ki finsko čhib ki Uppsala
sprakcentrumfinska@isof.se
- Čhibjakoro centri ki meänkieli ko Övertorneå
Čhibjakoro centri ki meänkieli ki Kiruna
sprakcentrummeankieli@isof.se
- Čhibjakoro centri ki romani čhib ko Stockholm
sprakcentrumromska@isof.se - Čhibjakoro centri ki javudikani čhib ko Stockholm
sprakcentrumjiddisch@isof.se
Ponodori diologo bašo čhibjakoro centri
Angleder te etablirinel pe sine o nacionalikane čhibjengere centrija, e Isof:eske sine važno te ovel ole jek dialogo sajavere akterencar, te diskutirinel thaj te khedel olengere dikhiba. Ko sa akala dialogija amen khedindžam važna misle thaj ideje kotar o nacionalikane minoritetija bašo čhibjengere centrengere butikeriba thaj olengoro etabliriba. Ko anglojeven amen produžindžam te šuna thaj te la odova so adžikerela pe te keren e čhibjengere centrija.
Tle dikhiba tane važna
Amen ceninaja o baro angažmani thaj interesi so isi bašo keribe o nacionalikane čhibjengere centrija thaj olengiri avutni butikeriba. Ko amaro čhibjakoro centreskoro webbthan isof.se/sprakcentrum šaj te čitine (drabare) baši but, te isi tut pučiba ja pale te vakere tle dikhiba bašo čhibjakoro centri, tegani ka ovel šukar te kontaktirine amen ki amari e-pošta sprakcentrum@isof.se!
/Harriet Kowalski, ulavinakorošefi bašo nacionalikane minoritetengere čhibja thaj švedikani nišanikani čhib thaj i Elina Majakari, jekhinakoro šefi bašo čhibjengere centrija ko Isof