Nevipaskoroljil 2 čhibjakoro centri
Ko 2022 berš o Isof ka etablirinel (kerel) nacionalikane čhibjengere centrija baši romani čhib, finsko, javudikani thaj meänkieli, ko akava nevipaskoro ljil tu šaj te čitine (drabare) sar džala i buti angle. Ko mart thaj april masek o fokusi sine te kerel pe i ingaribaskirigrupa thaj te regrutirinen pe neve manuša so ka keren buti ko amare čhibjengere centrija.
Ingaribaskeregrupakoro keribe
Ko 31 mart sine o paluno dive kaj te šaj te nominirinen pe džene baši ingaribaskirigrupa, amenge ale pherdo nominiriba bašo sa odola razna (sajavera) čhibja. Baš akana amen birinaja othar manušen kaj te šaj te kera e ingaribaskeregrupa, thaj amen planirinaja te ova gotova palo Veligdani.
E ingaribaskeregrupengere uloge, angleder te oven kerde e čhibjengere centrija, ka ovel te dikhen sar kerela o Isof buti keda i ko pučibe e centrengere butikeriba thaj te den amen pikodejbe thaj godidejbe ki akaja buti. Keda ka oven kerde e čhibjengerecentrija tegani o ingaribaskeregrupe ka kheden pe štar var ko berš.
Čitin (drabar) buteder bašo ingaribaskeregrupengere buča thaj olengoro nominiribe thaj sar kerdža pe o nominiribe ko amaro webbthan isof.se/sprakcentrumstyrgrupper.
Amen rodaja neve manušen so ka keren buti
Baš akana amen regrutirinaja bašo čhibjengere centrija butikeribaskere ingararija thaj čhibjakere barakerarija. O paluno rodibaskoro dive nane sa jek bašo sa akala čhibja. Ake dži keda šaj rodela pe:
- Meänkieli ko Övertorneå – paluno rodibaskoro dive sine ko 4/4
- Finsko – paluno rodibaskoro dive sine ko 10/4
- Javudikani čhib – paluno rodibaskoro dive 20/4
- Romani čhib – paluno rodibaskoro dive 20/4
- Meänkieli ki Kiruna – paluno rodibaskoro dive 22/4
O nacionalikane čhibjengere centrija ka keren te ovel jek nevi kotorin (odelenje) ko Isof fokusea upro nacionalikane minoritetengere čhibja thaj kulture. Odoleske rodaja buteder manušen baši odoja kotorin, a ka oven thaj bučakere thana ograničime vremea ki akaja etabliribaskiri faza, maškar o javera ka treben čhibarakharija ki romani čhib thaj meänkieli.
O aktuelna butikeribaskere thana thaj avutne butikeribaskere thana šaj dikhea ko amaro webbthan isof.se/jobbapasprakcentrum thaj ko Isof-eskiri LinkedIn-strana thaj ko javera kanalia.
Övertorneå thaj Kiruna
Ko 2022 e čhibjakoro centri baši meänkieli ka etablirinel pe ko Övertorneå thaj Kiruna. Ko Övertorneå odova kerela pe ki suradnja e Övertorneå komunaja thaj e resursikane bibliotekaja baši meänkieli ko Nordkalottens kultur- och forskningscentrum. E čhibjakoro centreskoro butikeribaskoro ingarari (vodiči) thaj jek čhib barakerari ka oven čhivde te keren buti ko Övertorneå a o javera duj čhibj barakerarija ka oven ki Kiruna.
Ko 5-6 aprili sine o Isof ko Övertorneå kaj te šaj jekhethane e komunakere reprezentantencar, e učeškolaja thaj e resursikane bibliotekaja te dikhen lokalija thaj te planirinen e butikeribaskoro than ki resursikani biblioteka thaj ko čhibjakoro centri. O nadibe i te šaj e čhibjakoro centri te ovel ole manuša ko than palo nilaj thaj o lokalija te oven haziri kerde. O Isof dikhlja pe tegani e lokalno klubencar thaj e Švedikane khangiraja.
Ko 4-5 maj ka džal o Isof ki Kiruna kaj te šaj te phravel pe o drumo bašo suradibe e Kiruna komunaja thaj e Sametinget-eja. Jekhethane e Sametinget-eja dendža pe e Isof-eske i buti te del predlogija sar indikatorija kaj te šaj te pratinel pe nacionalikane minoritetengere čhibjengoro angledžajbe.
Tle dikhibe tane važna
Amen ceninaja o baro angažmani thaj interesi so isi bašo keribe o nacionalikane čhibjengere centrija hem odolea so sine amen sovetibaskere thaj suradibaskere khedipencar dendža pe amenge važna misle thaj ideje baši ponodorutni planiribaskiri buti. O nevo broj taro nevipaskoro ljil ka ikljol ko maj masek.
Ko amaro čhibjakoro centreskoro webbthan isof.se/sprakcentrum tu šaj te čitine sar džala i buti thaj te isi tut pučiba ja pale tle dikhiba baši amari buti e čhibjakere centreja tegani šaj te kontaktirine amen e-poštaja sprakcentrum@isof.se!
/Ann Heimer,
projekteskoroingarari bašo čhibjakere centreskiri buti ko Isof