Ämnen: Meänkieli, Språkteknologi .

Meänkielen päivä: Seminaari kieliteknologiasta

Isof markkeeraa Meänkielen päivää 27 fepryaaria puolen päivän mittasella kieliteknologiaseminaarila. Seminaaria saattaa seurata tikitaalisesti vepilä eli tulemalla paikan pääle Stockholhmiin.

Seminaarissa puhuva Isofin meänkielen kielenhuoltajat Meri Alarcón ja Elina Kangas, ja kans Rickard Domeij ja Marie Mattson jokka tekevä Isofissa töitä kieliteknologian kans.

Seminaari oon osa Små språk i Norden -prusektia, jonka Pohjosmainen ministeriraati oon rahottannu Norjan puhheenjohtajakauen alla.

Lue lissää meänkielen päivästä

Prukrammi

Osa Meänkielen päivän presentasuunista oon meänkielelä ja osa ruottiksi. Meänkielisissä presentasuunissa oon ruottinkielinen Power point -teksti. 

13.30 Tervetulosanat ja vähäsen meänkielen päivän histuuriasta (meänkielelä + ruottinkielinen teksti)

13.40 Rickard Domeij, kieliteknolgivastaava: Kieliteknologiatyö Isofissa (ruottiksi)

14.15 Marie Mattson, kielitieteilijä: Pohjolan minuriteettikielitten kieliteknologiasta (ruottiksi)

14.45 Fiikka

15.15 Meri Alarcón, kielenhuoltaja: Kunka oikasta tekstiä kielelä joka ei ole kokohnaan standardiseerattu (meänkielelä + ruottinkielinen Power point)

15.45 Elina Kangas, kielenhuoltaja: Meänkielen kieliteknologia tänä päivänä (meänkielelä + ruottinkielinen Power Point)

16.15 Näytämä kieliteknologista Korp-työkalua

16.30 Loppusanat, kahvia ja toorttaa

Faktaruutu

Aika: 27 fepryaaria 2023 kl 13.30

Paikka: Saturnus Konferens, Hornsgatan 15, Slussen, Stockholm. Net jokka ovva myötä päivässä tikitaalisesti saava länkin ennen seminaaria.

Ilmottautuminen: Ilmota ittesti myötä tässä alla olevan ilmottautumisformyläärin kautta. Viiminen ilmottautumispäivä oon 21 fepryaaria.

Ilmottautuminen

Teehmaan liittyvää sisältöä

Kontakti

Pypliseerattu 6.2.2023
Viimeksi päivitetty 16.2.2023