Meänkielen kielikeskuksen vihkiäiset Kierunassa

Tuorestaina 31 aykystiä vihithään Kansalinen meänkielen kielikeskus Kierunassa. Tilhaisuuen paikkana oon Aurora Kultur & Kongress.

Meänkielessä oon kolme varieteettia, tornionlaaksonvarieteetti, lannankieli Kierunan aluheela ja jällivaaranvarieteetti. Kahela viimiksi mainitulla varieteetila oon huomattavasti vähemän puhujia ja siksi kattothiin ette oon tärkeätä ette yks konttorista olis Kierunassa. Kansalinen meänkielen kielikeskus oon sentähen kahessa eri paikassa, Kierunassa ja Mataringissa.

Ylheisö kuttuthaan Kierunan uutheen kylttyyritalo Aurorhaan viettämhään iltaa meänkielen merkeissä. Tapahtumassa presenteerathaan kielikeskuksen verksamheettia ja sielä töissä olevat kieleneistäjät. Illan aikana oon kans mysiikkiesityksiä ko Aaron Bong ja haitarivirtuoosit Fredrik Hangasjärvi ja Heidi Haapasaari

”Met toivoma ette meile tullee oikein hauska ilta mahtavassa kylttyyritalossa. Hiljemin tulevaisuuessa met järjestämmä kläpeile päivän, jossa oon meänkieliteemasia aktiviteettia ja esityksiä”, sannoo Göran Lahti, kansalisen meänkielen kielikeskuksen toimintajohtaja.