Meänkielen kielikeskuksen vihkiäiset

Tuorestaina 31 aykystiä vihithään Kansalinen meänkielen kielikeskus. Vihkiäiset piethään Kierunan uuessa kylttyyritalossa Aurorassa, johonka ylheisö kuttuthaan viettähmään iltaa meänkielen merkeissä.

Illan prukrammi:

• Aaron Bong laulaa meänkielelä.
• Tervetuloa! Toimintajohtaja Göran Lahti toivottaa tervetulheeksi.
  
• Presentasuuni meänkielen kielikeskuksesta, toiminasta ja kieleneistäjistä.
• Vihkiäisseremonia, Emman kläppikuoro laulaa.
• Haitarimestarit Fredrik Hangasjärvi & Heidi Haapasaari pellaava kvaliteemysiikkiä. Fredrik Hangasjärvi oon Tornionlaakson Riikinpelimanni ja Heidi Haapasaari oon vuen 2000 Suomen mestari haitarinpellaamisessa. Het ovva kaks haitarivirtuoosia joittenka repertuaahriin mahtuu kaikkea maholista niinkö ittesävelettyjä surumielisiä valssia ja klassisia vauhtikhaita kappalheita. Yks duon erikoisuus oon heän meänkieliset hymuristiset välipraatit.
• Kaffi ja kaffileipää. Kaikki viehraile tarjothaan fiikkaa konsäärin jälkhiin.