Kuka saapii minuriteettikielipalkinon?

Nyt oon aika nomineerata kantitaattia vuen 2024 Minuriteettikielipalkinthoon. Palkinto jaathaan jollekki ihmiselle eli orkanisasuunile joka oon tehny arvokasta työtä minuriteettikielitten etheen Ruottissa.

Tämä oon kolmastoista vuosi ko minuriteettikielipalkinto jaathaan. Jyrry valittee palkinon saajan ja palkinto jaathaan Språkrådsdagen-tapahtumassa.

Nomineeraminen

Ehota nimiä viimisthään maanantaina 19 fepryaaria 2024. Lissää tietoa ja nomineerinkiplanketin sie löyät sivulta isof.se/minoritetssprakpriset.