Kansalinen meänkielen kielikeskus saapii ministeriviehraan
%20meankieli.jpg)
Lauantaina 4 fepryaaria kylttyyriministeri Parisa Liljestrand tullee Matarenkhiin käyhmään Kansalisessa meänkielen kielikeskuksessa.
Isof oon tehny työtä vuen 2022 aikana ette panna pysthöön kielikeskuksen meänkielele Kierunhaan ja Matarenkhiin, ja nyt vuona 2023 kieleneistämisverksamheetti oon päässy käynthiin. Kansalisen meänkielen kielikeskuksen tehtävä oon antaa tukea ja tietoa kielenkantajille koko maassa, ette heilä oon maholisuus säilyttää, ottaa takashiin ja kehittää meänkieltä elävännä kielenä Ruottissa.
Aika: Lauantaina 4 fepryaaria kl. 10.30
Paikka: Matarengivägen 24, Pohjoskalottipipluteekki, Matarenki
Myötä:
- Kylttyyriministeri Parisa Liljestrand
- Isofin pääjohtaja Martin Sundin, osastoseeffi Harriet Kowalski, yksikönseeffi Elina Majakari, toimintajohtaja/kieleneistäjä Göran Lahti, kieleneistäjät Britta Tervaniemi ja Mervi Erkheikki
- Näyttelijä/artisti Aaron Bong
Prässikysymykset: Journalisteila oon maholisuus kysyä kysymyksiä kylttyyriministeriltä ja muilta jotka ovva myötä. Huomio! Pakolinen etuilmotus journalisteile. Ota yhtheys Göran Lahtheen viimisthään 3 fepryaaria.