Doarjagat unnitlogugielaide

Giela ja Álbmotmuittu Instituhta juolluda juohke jagi doarjagiid sierra servviide Ruoŧas. Searvvit mat barget prošeavttain man ulbmil lea doarjut unnitlogugielaid ožžot doarjaga. Gii sáhttá ohcat doarjaga ja got ohcá?

Gii sáhttá ohcat?

Organisašuvnnat ja vuođđudusat mat eai leat stáhtalaš dahje gielddalaš, ja mat lágidit doaimmaid main ii leat vuoitu ulbmin ja leat Ruoŧas sáhttet ohcat doarjaga.

Doarjagiid sáhttá maid ohcat ovttas eará servviiguin, organisašuvnnaiguin, vuođđudusaiguin dahje gielddaiguin. Ovttaskas olbmot, oasussearvvit, fitnodagat mas eai leat organisašuvdnanummarat dahje fitnodagat, geat ohcet doarjaga bargoveagaoahpahussii, eai sáhte ohcat doarjaga.

Masa sáhttá ohcat?

Prošeaktaruđat juogaduvvot

• prošeavttaide man ulbmil lea nannudit gielalaš gelbbolašvuođa (giela lohkanmáhtu, čállinmáhtu, hállanmáhtu ja ipmirdanmáhtu)
• doaimmaide mat lasidit máhtu daid áššiid birra: máŋggagielalašvuođa, giela go kulturguoddi ja giellasirdašupmi buolvvas bulvii.

Dasa lassin leat erenoamáš eavttut mat gullojit ohcamuššii.

Goas sáhttá ohcat?

Ohcanáigi lea juohke jagi juovlamánus gitta gaskkamuddui ođđajagemánus boahttevaš jagi.

Got ohca?

Oza ja sádde skovi eiseváldái maŋemuččat maŋemus ohcanbeaivvi. Ohcamuš lea ruoŧagillii.

Mearrádus doarjaga birra

Eiseválddis lea erenoamáš referánsajoavku mii válbme ohcamušaid ja addá evttohusa got doarjagat galget juolluduvvot. Eiseválddi direktevra váldá mearrádusa doarjaga birra. Go mearrádus lea válmmas de visot ohccit ožžot dieđu šleađgapoastta bokte. Websiiddus isof.se almmuhuvvo listu daid juolluduvvon doarjagiid birra.

Čilget doarjjageavaheami

Organisašuvdna dahje vuođđudus geat leat ožžon doarjaga leat geatnegahtton čállit ekonomalaš čilgehusa ja addit sisa dan. Mearrádusas lea áigi goas galgá addit sisa čilgehusa.

Loga eanet dáppe

Neahtas leat siiddut ruoŧagillii gos sáhtát lohkat eanet dan birra got don ozat doarjaga ja čilget doarjaga. Doppe sáhtát maid viežžat ohcanskovi, oaidnit sihke áigeguovdilis ohcanáigemeari ja maid juolluduvvon doarjagiid ja buori ovdamearkkaid.

Bidrag till minoritetsspråken