• Huvudmeny

februari 2014

Sasaroas pottopa an Svedo-themm

Sasaroas voltrepa an Svedo-themm achar pre nationell, regional ta lokal pre themmeske-dives respektive landstingsbedos ta kommubedos.

Sasaroas voltrepa aschar an Svedo-themm pre star berch ta trineske kurkodives an Svedo-themma. An voltrepat ta pottopat dikkas vri jekh bedo tjakkes ster-glann pre dova pottopa manushet preall dova avat ”mandat” berschen glann. Sas manush an Sverdo-themm tjakkes fyser ahsca prell 18 basht sensloa pre pottodivsen ta tjakkes achar ta boddrat an krajjoske-themmen kammar pottopa te ”penna siros lav” Sasaroas karmissa. Manusch an sas Eu-temmar dre dannike-themm ta pre tjyldrano-themm tjakkes ster randrade an Sverdo-themmm ta achar 18 basht sensloa pre pottodivesen. Vri-themmare tjakkes avar fann vavre themm fysser ascha randrade ta boddrat an Svedo-themm kuttiast trin basht gla fysa pottodives gla penna seros lav an kommun ta landstingds-pottopa.

Uppdaterad 05 juni 2014