• Huvudmeny

januari 2012

Indoeuropeiska racklepha

Indoeuropeiska racklepha, dova baroaste racklephanarthan an barothemmet, ninna 3 miljarder dakri-racklare.

Kava buttare jeck 400 racklepha kammar glanskepha jinneske Europa ta Sydasien ta akkter dova sensloaste barobashtens koloniala baroande tasa Nord-ta Sydamerika ta Oceanien. Indoeuropeiska racklepha kammat tjattjot baschandepha an buttare jeck 2/3 attjer barothemmes themmar.

Nahrtans buttaste ninnare honkar engelska, spanska ta hindi/ urdu, savi sassaro kammar preal 300 miljoner racklare, Indoeuropeiska racklepha jinnar enja niitjiro teliskegrupper, fann albanska, armenska, baltiska, keltiska ta grekiska ninna khonra tikno ninnare, fann dova baroare slaviska, romanska ta germanska ninna khonoro ire khonora desch-u-dyeskejinn racklepha, to dova barobaro indoariska gruppi ninna 200 ninnar. Urindoeuropeiska pattjas kammar poggrats attjer Kaloa baropani, ninna dolle honkar tji tjattjot, bekkan baschi poggreskesuttet (dabbreske ire mukkeske baroande), bekkan baschi phuranokeret baschade an norr ire soder baschi kava barophani. Phuranoracklephat brukfarar an sassmanischpha dynkras kamma aggerat poggras uppri gla 6000 basht senslo.

Uppdaterad 09 juni 2014