• Huvudmeny

mars 2013

Germanska racklepha

Germanska racklepha, jick bekkan attjer dova indoeuropeiska racklephanharterna savo baschikammar, dynkrande pre hur vorsnos jinnar, jick desch-u-dy-jinn racklepha.

Kava avar fann phuranogermanska, jick varietet savo tji aschar telirandrad abbo savo nasht semmnoas to bashtbaro glanske vorsnos tjirojinns aggran. Sako kava racklepha saste kamma racklats honkar tji janat, abbo sodra Skandinavien (Danniken ta Götaland= honkar dova fedigaste dynkrephan. Jick attjer dova baroaste ovaroerna masker phuranogermanska ta dova indoeuropeiska penjjar honkar kerrandet attjer Grimms horta. 500 attjer germanska racklepha racklare aschar an barothemmen. Baroast honkar engelska racklephat ninna buttare ire tiknoare 350 miljoner racklare, vaverast avar tyska racklephat (ninna telisketyskan), nederländska, svenska racklepha, afrikaans, dannikenska ta norska racklephat. Tiknoare jeck 1 miljon racklare kammar Jiddisch, frisiska, isländska ta färöiska savo racklepha.

Bleddra buttar baschi germanska racklepha pre: 

HTTP://WWW.NE.SE/LANG/GERMANSKA-SPR%C3%A5Klänk till annan webbplats 

http://sv.wikipedia.org/wiki/Germanska_spr%C3%A5klänk till annan webbplats

Uppdaterad 09 juni 2014