• Huvudmeny

februari 2009

Bulgariska-tjib

Bulgariska-tjib achar jekh sydslaviskt rakkrepa tjakkes rakkras attjer ca 12 miljoner manusch.

Buttider avri lengros rakkrare, 6 miljoner, achar dre Bulgari-themm, dojj honkar bulgariska kava officiellt rakkrepat. Dova achar officiellt EU-rakkrepa, ta dole EU-rakkrepat tjakke randrats ninna kava kyrilliska jinn. Bulgariska rakkras dre bl.a. Turkiet, Ukraina, Moldavien ta Grek-themm. Bulgariska achar tji savrige an randra ta drabbrepa tjakke dova vavre slaviska rakkrepna. Tjakke kasusböjningen, savo dova vavre slaviska rakkrepana kammar, honkar pagrat an bulgariska-tjib.

Bulgariska-tjib kammar pottot artikel ta prefix nascht kompareras. Bulgariska-tjib achar an trin perioder, avri savoa dolle vagersta honkar dolle s.k. fornkyrkoslaviska ta fornbulgariska preall basht 800–1000-jinnet. Dolle vavera, sinsimaskro-bulgariska tjiron acha preall basht 1100–1300-jinnet ta trinto, nybulgariska tjiron agra pre berch 1400-jinnet.

Drabbra buttider pre Wikipedia pala Bulgariska-tjibet:

http://sv.wikipedia.org/wiki/Bulgariskalänk till annan webbplats

Ta pre Omniglot:

http://www.omniglot.com/writing/bulgarian.htmlänk till annan webbplats


Uppdaterad 09 juni 2014