• Huvudmeny

februari 2014

Akupunktur (Sujeske mengrepa gla truppo)

Akupunktur achar jeck butt puranot dukkalomengrepa ninna jeck sujeske tjakkes janepa avar fann Kina.

Butt kuttia, sujs hovras sanot andri dre jimmet pre tjattjoa stedon pre truppon. Kava sujos nascht hilpra truppon kettanes ninna vavert an truppon tjakke honkar dukk, ta dukkalopa. An Kina kerras akupunktur gla butt ninna vavre dukkalopan an Svedo-themm ta vavre themmar oprei kajj pattjar manushet kava sujos hilprar manuschet fann serus dukkalopa palla sujoske les pre jech stedo nachst dova kerra savot dolle tjii achar savo butt ninna dukk. Akupuntur mengrar glaneste te hilpra gla duk ta miak dre truppo.

Uppdaterad 05 juni 2014