• Huvudmeny

januari 2014

Abstinens

Abstinens (fon latin’skro rakkrepa’a abstine´ntia ´avhållsamhet´). He kana jek manusch tchi lea jek kovvar tchakke lo lea but voltesa, tchakke mosta eller katchali.

Mó’te acha ninna kerepa tchakke acha kerde but voltesa eller svako dives, tchakke buttepa eller prastrepa. Te tujali he tujado svako dives abó jek dives kana tchi tujali nane tujas ava truppo nervalo. Likså he ninna mé katchali’a, drab’a, gullepa’a ta vavare kovvar’a ninna. Fon lender lea truppo abstinens tchakke je nasslopa. Jek manusch ava nervalo, lea sutepaskro paropa eller ava tugalo fon dovesta. But drabengre manuscha lena paro abstinens tchakke paro tatto nasslopa.

Uppdaterad 05 juni 2014