• Huvudmeny

mars 2008

Baltisko tšibja

O baltisko tšiben dielavehas aro duj skoḱa, lenta- ta ídagobaltisko. Sáre lentabaltisko tšibja hin múle avri, ta sisto do­lenda preus­isko tšib, ná rak­adal palal 1600-bereh. Let́isko ta litaunisko hin ídagobaltisko tšibja, ta do­la hin nína néride na­rti mahkar pen.

Let́isko hin ofisialno tšib aro Let́land. Kouva raḱila 1,5 miljoura manuš ta dólenda dž́ivena 100 000 avri (auri) anda Letland.
Aro Let́isko hin trin hérunodialekto, ta rańiboskotšibja botnuvel pa douva dialekto so raḱilas aro mahkurno Latvia. Dóla vágune líne so sas rańle pe let́isko tšib pe 1500-bereh,ta bíblijako boldibosko but́i pe 1600-bereh sas jek bari bariba pe rańiboskotšibjake. O lávesko džor hin normalno aro váguni rańiba, so hin saj dóleske ke douva ávela anda finsko-ungriko tšib,spesialno livisko,hin tšerdas but vauriba aro let́isko tšib.
Livisko tšib hin ni pe vaure manera tšerdas but vauriba aro let́isko tšibjako raḱiba, dóles te let­isko tšibjakoraḱiba hin dur khatar (kat́a) litaunisko tšibjako raḱiba.

Litaunisko tšib hin jek ofisialno tšib aro Litauen. Kouva raḱila 3 miljonura manuš ta dólendar dživena pherdal 100 000 avri anda Litauen. Aro Litaunisko tšib hin duj héruno dialekto,ta ran­ibosko tšib botnuvela pe douva dialekto so raḱilas aro lentakirig pala foro Kaunas. Dóla vágune líne pe litaunisko tšib rańidas pe 1500-bereh. Litaunisko tšib riḱavehas pálal raḱiba sar jek pala butide konservokane tšibja aro indoeuropeisko tšib, ta saj hin douva tšib so hin pašlide kouva rekonstruerade indoeuropeisko anglunitšiben. Doleske hin litaunisko tšib but importanto aro tšibjakodžaniba.

Draba butide pe Wikipedia: lettiskalänk till annan webbplats ta litauiskalänk till annan webbplats.

Uppdaterad 05 juni 2014