• Huvudmeny

mart 2014

Čhavengiri konvencija

E Čhavengiri konvencija, ja pale sar so vakerela pe Khedime naciengiri konvencija bašo čhavengoro hako (pravo), tano jek internacionalikano lafiphaniba (dogovor) kova sine usvojmo taro Khedime naciengoro generalikanokhedibe ko 20 novembar 1989 berš.

Akaja konvencija priznajndže 193 phuvja. E Čhavengiri konvencija dela jek univerzalno definicija save pravija isi e čhaven hem othe zorakerela pe so trebela te važinel sa e čhavenge ko celo sveto. I definicija ka važinel ko sa o društvija, bizo razlika tari kultura, religija ja pale javera specijalna osovine ko društvo. Ki konvencija vakerela pe baš sakone čhaveskere pravija. Te nane disavo javer nacionalno zakoni so definirinela javer diso, tegani sakova manuš soj tikneder taro 18 berš računinela pe sar čhavo.

Uppdaterad 04 juni 2014