So nashta chibcentrin kerra?

An Isofs rodi tjujal asjaden attjer chibcentri glagindaris te kava mukabuvlo opprecitnet gla jikk chibcentri nashta asha tetojajura dova aktulipha haripans zori ta horte te palile chibet preal te butiket kerela ta lasarela vasdir ismarelad attjer chibet, sórraloa ulavdoas pakjalapa gla te ismarela ta palile chibet hem spreddra dsanipar bási chibet ta sar kava nast palikeres.

Svacko chibcentri avar te le glann plo mengets randraparna, abbo hari mukabuvlo janephar honkar barasavriga glas ass chibcentri. Kava durihutnoa resinet ninna kerakerna honkar te vasdi ismarelaten attjer chiben an sarinipet an barot hem te kerela jeck tjivinarnde prealanglot attjer dolle nacionalipha hariparnas chib ta kultúra to avela kustick.

Kereba nacionalpht ninna ta gla chibikerelar an saroa themmet

Chibcentri nashta:

• Menga avrifann haripans zori ta situacija sav te ulavdo ler pakjalapa gla te palile ta ismarela chibet.
• godikeribe ninna dikkhelarir gla te epa chibikerelar an saroa themmet.
• nikalot anamomelira chibsituacijan gla respektivi nacionalph haripat an jekgodi ninna chibaraken pre Isof.
• nikalo anamomelira kava plo palikerelsmenget.

Angledsaj ta maskarvakela metodir gla chibvipepalipa an Svedijo

Chibcentri nashta:

• angledsaj metodir gla chibvipepalipa attjer kava nacionalipha hariparnaschibet .
• khedel andri, dokumentira ta maskarvakela fediga misal ta pherniper attjer chibvipepalipa pre nacionaliph, than ta internacialikan ucip.
• Pre najek sutt dumoja natar an chibprealkhedipen ta indinigar an chib ismarelaten.

Godikeriber ninna ta dumoja vavra dikkhelarir andre palikerelsmenget

Chibcentri nashta:

• Godikeriber ninna javera chibcentri an Svedijo ta internacialikant hem ninna komúnar, regionir, sikljojbe dikkhelarir, saipe librikhern, bastalor, khedipar ta organiphar an saroa themmen.
• kornisa ta kotak an seminirilar ta konferencija rigarelade to dikkhelarir pre najek usipar.
• maskarvakela dsanipar bási, pherniper attjer ta metodiro gla chibvipepalipa , hem dsanipar bási dova nacionalipha hariparna kultúramangin ta kava nationella hariparnaschibets paramisiska ta jekvakti astispar.

Menga avririgaret ninna informacija bási ta ikeriber to dolle nacionalipha hariparnaschiben

Chibcentri nashta:

• dsando kerre te dolle nacionalipha haripatschiben honkar trachade ta te kava jar te palikera dole .
• informacia bási hariparnas chibaloga caciper.
• Dikkhutnor chibet an sarinipet.