Chibcentri romska

Akata nast diro drabbra bási Isofs meng ninna te asjade chibcentri gla romska.

Isof kammar an opprecitni attjer phuvjakirin te asjade chibcentri gla kava nacionalpha haripatschiben romska. Chibcentri nashta dela chibikerelar an saroa themmen saipen te rekkrade, le to pallas, ta angledsaj romska – sav te chibbet nast jidra odore an Svedijo. Chibcentri an romska honkar denkat te chipas an Stockholm.

Pre dova akate patrin nast diro drabbra bási mengets glansiggrepa, pre najek sut kotak an menget hem drabbra neviper ta neviperlill ninna informasija bási so savo sajdat ta so savo avar te sajda an chibcentrimenget. Jeck baro kota attjer solsibet avar te chibrandras to ramska.