Nevimaskolil 5 šibakocentro
Tela o 2022 e Isof:os si misija te etableralij nacionelne šibengecentruri pe e nacionalni minoritonge šiba po finicko, jidiš, meänkeli taj romani šib. De khatar o septemberosko šon but butjara amenca po thani taj ame keras khetanutno fundamento pe e štar nacionelna šibakecentrura. Tela o eso ame vi prioritalinasa te šunas taj te las rig anda lešimata so si pe a šibakocentro khatar e nacionelna minoritetura.
Khetanutne introdukcionoske djesa
Ame ande sam andek intenzivno periodo te keras jekh khetanutno kompetensosko fundamento pi misija. Kado kerelpe interno kompetensosko avrikerdimo taj sitjimo. Ando sitjimo si majbut konferensi so phenel pa a šibako revitalizeringo.
Tela o septemberi sas o Lennart Rhodin so vorbindas pa e nacionelna minoritetoski politikako avri kerdjimo, Leena Huss pa a šibako revitalizeringo taj anglakodaleske eksperienci, Kaisa Syrjänen Schaal o drom ži ka o agor linimo pa e nacionelna šibakecentrura taj o Jarmo Lainio pa a Euroaprodetosko gindimatura pa i švedicko minoriteticko politika. E Isofoski: nevi revitalizeringosko eksperto i Sari Pesonen vorbindas pa e fakti so kerel a šibako trajoskozor taj a šibakopolitikako avri rodori, Jennie Spetz vorbindas pa a e Isofosko misija pa kodo ke line agor pa a šibakocentro te avel.
Direktivnogrupako maladjimo
Ka sako šibakocentro si jekh direktivno grupa kas si butji te sikavel taj te žutij e respektivno šibakecentros ande lengi butji. E intregi direktivna grupen sas lengo angluno maladjimo tela o tavasi taj jekh palakodo maladjimo sas ando augustuši taj avela vi maj anglal aktivt ande involveralime ando etableringo taj avri kerdjimo a šibakocentrosa.
Nevo šefo pe a šibakocentro
E štar šibakecentrura si šute po nevo sekciovo po nacionelno minoritetonge šiba taj švedicko sikajimaskišib. Po sekciovo, so direktorij i Harriet Kowalski, si duj riga: i rig pe a šibakogindimo taj i rig pa a šibakocentro. Tela o milaj i Anna Gezelius kerdjili sar rigako šefo pe a šibakogindimo taj i Elina Majakari si misija sar rigako šefo pe a šibakocentro taj voj lokes avela po than tela o eso.
Khate si nacionelna šibakecentrura
Te aven žene pe e nacionelna šibakecentrura taj lokala pe sako šibakocentro avilas dur.
Khate šaj reses respektivno šibakecentros taj kodalenge butjaren
- Šibakocentro finicko andi Uppsala
sprakcentrumfinska@isof.se
- Šibakocentro meänkieli ando Övertorneå
- Šibakocentro meänkieli andi Kiruna
sprakcentrummeankieli@isof.se
- Šibakocentro romano ando Stockholm
sprakcentrumromska@isof.se
- Šibakocentro jiddisch ando Stockholm
sprakcentrumjiddisch@isof.se
Maj dur o dialogo pa a šibakocentro
Angla kodo ke etablerin e nationelna šibakocentrura sas importanto e Isofoske te aveles jekh dialogo maškar majbute ženen te diskutalin taj te len ande dikhimaskepontura. Ame ande kadala dialogura lam importanta gindomata taj idevura pa a šibakecentrongi butji taj etableringo a šibakocentrosa. Tela o eso majdur ame šunas taj les rig anda e lešimata so si pa a šibakecentrura so e nacionelna minoriteton si.
Tjire opinji si importanta
Ame inkras/lošas kodo baro engagemango taj intreso so si angla e nacionelna šibakecentrura taj pe kadalenge butja. Pe amaro šibakocentroskowebo isof.se/sprakcentrum šaj gines pa amari butji taj te si tu pušimata vadj opinji pa a šibakocentro šaj kontaktolines ame pe o e-postadresi sprakcentrum@isof.se!
/Harriet Kowalski, sekcion šefo pe nationelna minoritetoske šiba taj švedicko sikajimaskišib taj i Elina Majakari, rigaki šefo (enhetschef) pe a šibakocentro po Isof.