Nevimasko lil 4 šibakocentro
Tela o 2022 e Isofos si misija te etableralij nacionelno šibakocentro pe e nacionelna minoritetoske šiba po finicko, jidiš, meänkeli taj romano. Ando anglunofazo so fokusalindas pe e dialogura,te šolpe e direktivna grupi te rekritalij neve butjaren taj te rakhen lokalura a šibakocentroske žal gata. De khatar o eso 2022 lelpe o starto e nacionelno šibakocentro neve butjarenca taj šefonca po than.
Importanta opinji ando dialogosko maladjimo
Angla o etableringo e nacionelno šibakocentro sas importanto e Isofoske te aveles dialogo majbute aktoronca te diskutalin taj te kiden ande e opinji. Ame kerdam phuterde khetanutne kidimata kodalenca so vorbin vadj inkren e nacionelna šiba, finicka, jidiš meänkieli vadj romanes, e minoritetonge organizaciovonca, e univerzitetonca kas si misija te keren butji e nacionelna minoritetonge šibenca taj e minoritetonge khetanekiditora ande e komunura. Ame ande kadala dialogura lam amenca importanta gindura taj idevura pa a šibakocentroske butja taj pa o etableringo pa a šibakocentro.
Direktivna grupi
O Isof tela o tavasi šutas jekh direktivna grupa ka sako šibakocentro. E direktivna grupi fungeralina sar ekspert grupi misionosa te sikaven drom taj te žutin a šibakecentros ande leske butja. Ande sako direktivno grupa si khatar e panž ži ka e šov membrura so reprezentalin a šibake inkeratoron. Sakona direktivna grupa sas lako angluno maladjimo taj majdur žal taj žutij te etablerijpe a šibakocentro.
Pe amari webrig šaj tu gines majbut pa a direktivna grupengi butji taj kon si e membrura.
Neve butjara ande a šibakocentro
Šaj lenpe te keren butji ando nacionelno šibakocentro o angluno gelimo gataj. E neve butjara lena te keren butji pala o milaj.
Khatej e neve rekriteringura
- Šibakocentro finicka – duj šibake žutora gataj, rekriteringo pe e thanesko menežmento inke žal.
- Šibakocentro meänkieli ando Övertorneå – jekh thanesko menežmento taj jekh šibako žutori gataj.
- Šibakocentro meänkieli andi Kiruna – jekh šibako žutori.
- Šibakocentro romano – jekh thanesko menežmento taj duj šibake žutora.
- Šibakocentro jidiš - duj šibake žutora gataj. I butji sar thanesko menežmento avri šolpe pale pala o milaj.
Ame das lašo djes amare neve kolegon po Isof!
Nev sekciovo a šibakocentro po Isof
Amare štar šibakecentrura avena khetane placeralime pe jekh rig tela jekkhe sekciovos på Isof pharipe pe e nacionelna minoritetonge šiba taj kultura. I butji šaj sekciovoskošefo avela dino tela o milaj.
I butji sar departamentoskišefo avela i Harriet Kowalski khatar o 1 juliuši, akanik voj si departamentoskišefo po Språkrådet. Kana i Harriet lela te kerel butji atunči voj perdal lel o pharimo po avutno fazo ande a šibakecentrosko butji- e anglunimaskofazo ginelpe ke avela ži ka o oktoberi. Palakodo avela o nevo sekciovoskošefo pe a šibakocentro te lel o pharimo te kereles gata.
Lokalura taj lokalenge khetane butja
Tela e etableringoskofaza o Isof las but kontaktura te diskutalij taj te kerel khetanutni butji pa e lokalura taj pa e khetanutne pušimata. Ame samas pi vizita ando Övertorneå taj Kiruna. Akanik gataj e lokalura pe sako šibakocentro.
- Šibakocentro finicka ulavela o lokali e Instituciovosa pi šib taj manušengoserimo andi Uppsala.
- Šibakocentro meänkieli ando Övertorneå ulavela o lokali e Nordkalottens kultur – taj roditoreske centrosa (Nordkalottens kultur- och forskningscentrum) khote si vi o rezursbiblioteko pi meänkieli.
- Šibakocentro meänkieli andi Kiruna avela lesko bazo pi Malmfältens folkhögskola.
- Språkcentrum romano avela placeralime po Instituciovo pi šib taj manušengo serimo (Språkrådet) ando Stockholm.
- Språkcentrum jidiš ando Stockholm avela placeralime po Instituciovo pi šib taj manušengo serimo (Språkrådet) ando Stockholm.
Tjire opinji si importanta
Ame lošas kodale bare engagemangoske taj intresoske so si anda kodo ke avela nationelno šibakocentro.
Pe amari šibakocentroskowebo isof.se/sprakcentrum
External link. šaj gines sar i butji žal angle taj te si tu pušimata vadj opinji šaj kontaktolines ame pe amari e-postako adresi: sprakcentrum@isof.se!
/Ann Heimer,
projektledare för språkcentrumarbetet på Isof