Nevimasko lil 5 šibakocentro
Tela le berš 2022 so ka Isof jekh buči dini te thon po than natcionalnio šibake centruri pe sama le natcionalni minoretoske šiba finladisko,jiddisch, meänkieli thaj romanes. De katar o septembero avena but bučarne aba po than thaj ame keras buči te anzaras ketane jekh fundamento pe le štar natcionalnio sibakecentruri.Tela e tumnia vi si te keras prioriatcia te ašunas thaj te las andre so si ažukerdo katar le šibengecentruri kai si kai le natcionalnio minoriteturi.
Ketanimaske intrudukcionake djes
Ame sam andre ande jekh intesivno buči ando anzaripe te keras jekh ketane kompetenciako fundamento pe kadia missiona. Kado kerdjolpe anda interno kompetenciako vazdipe thaj edukatcia. Ande kadi edukatcia žjal andre mešte konferencji kai sičaren pa šibaki revitalizatcia.
Tela o septemberi kerdas o Lennart Rhodin jekh konferencia pa le natcionalnio minoritosko vazdipe, e Leena Huss da duma pa šibaki revitalizacia thaj palune experiancji, e Kaisa Syrjänen Schaal, da duma pa o drom ži angle kai e desicia pa le natcionalnio šibakecentruri thaj o Jarmo Lainio vorbinda pa Europakokonsiljosko kontrolo katar e švedisko minoritongi politika. E nevi revitalizaciaki experta ando Isof e Sari Pesonen da duma pa faktoruri kai keren impakto pe jekh šibako zorako trajo thaj la šibaki politikaki roditorka e, Jennie Spetz, da duma pa le isofoske but diferentno buča mai anglal sar sas po than le šibengecentruri.
Ingerimaski grupako kidimo
Pe svako šibakocentro si jekh ingerimaski gruppa kai si lengi buči te phiraven po vorta drom thaj te žutin sa le šibengecentruri ande lengi buči. Sa le ingerimaske grupi sas len jekh angluno kidipe tela e prima vera thaj jekh dujto kidimos ando augusti thaj vi mai angle avena involvime aktivno ando etibleringo/šutipe thaj vazdipe katar šibakocentro.
Nevo chefo pe šibakocentro
Le štar šibakecentruri si thodine pe nevi kerimaski sektcia pe natcionalnio minoritoske šiba thaj švedisko semnonge šiba. Pe kadi sektcia, kai si phiradi katar e Harriet Kowalski, si duj departamenturi: o departamento pa šibengo arakhajipe thaj o departamento pe le šibengocentro. Kado milaj e Anna Gezelius ašili bari po departamento šibakoarakhajipe thaj e Elina Majakari dine la e buči sar bari po šibakocentro thaj avela pa skurto vriama po than tela e tumnia.
Katka si duj natcionalnio sibakecentruri
Le bučarne kai trubulas te keren buči kai le natcionalnio šibakecentruri si po than thaj vi le lokaluri si po lašo drom.
Katka šai les kontakto kai le šibengecentruri thaj kon keren buči.
- Språkcentrum finska i Uppsala/Šibakocentro Finladezisko
sprakcentrumfinska@isof.se - Språkcentrum meänkieli i Övertorneå/Šibakocentro meänkieli
- Språkcentrum meänkieli i Kiruna/ Šibakocentro
sprakcentrummeankieli@isof.se - Språkcentrum romska i Stockholm/ Šibakocentro romano
sprakcentrumromska@isof.se
- Språkcentrum jiddisch i Stockholm/ Šibakocentro jiddisch
sprakcentrumjiddisch@isof.se
Mai dur dialogo pa šibakocentro
Mai anglal sar te šon le natcionalnio šibakecentruri sas importanto le Isofoske te keren jekh dialogo kusa le but aktoruri kašte te šai diskutin thaj te kiden andre kavrenge dikhimata/ginduri. Tela e tumnia si te žjas angle te ašunas thaj te las andre le divanura kai ašunas so ažukeren te mai avel ande šibakecentruri katar le natcionalnio minoritetura.
Ame ande sa kadala dialoguri lam amentca važni gindura thaj ideji pa la šibakocentroski buči thaj pa šutipe/etebleringo katar šibakocentro kai le natcionalnio minoritonge.
Čiro dikhimos si važno
Ame pleznajis kudo baro engažemango kai si thaj o intreso kai si pa o šutipe katar le natcionalnio šibengecentruri thaj lenge adminitratcji kai avena. Pe amari weboski rig (šibakocentro) isof.se/sprakcentrum šai ginaves pa buči thaj te si tut pušimata thaj ginduri pa šibakecentruri šai kontaktis amen pe kado e-post: sprakcentrum@isof.se!
/ /E Harriet Kowalski, bari/chefajka po departamento pe natcionalnio minoritonge šiba thaj svedisko semnonge šiba thaj e Elina Majakari, bari/chefojka pe šibakocentro ando Isof.