Nevimasko lil 2 šibako centro
Tela o berš 2022 o Isof site thol po than jekh natcionalnio šibako centro pe finlandesisko, jiddisch, meänkieli thaj romanes thaj katka ande o nevimasko lil šai djines pa sar žjal angle e buči. Tela o marso thaj april sas o dikhipe mai but te šai thon po than jekh direktivno grupi thaj te roden mai bute neve bučarne kai le šibenge centruri.
Le direktivno grupongo kidipe
O 31 marso sas o pazletno djes te nominis varikas kai direktivno grupa thaj ame lam but nominatcji pe le diferentno šiba. Akana keras ružni buča te šai biris te thas ketane direktivno grupi thaj amaro dikhipe si te avas gata pala e patradji.
Le direktivno grupongi rola mai anglal sar te avel le šibengo centro po than si ke trubun te len pe pala so phenel o Isof ande buči kai kamen te anzaren opre e aktivitatcia thaj te den žutipe thaj godji ande kadia buči. Kana avena la šibake centruri sa po than site maladjon le direktivno grupuri pašti štarvar o berš.
Djin mai but pa le direktivno grupi thaj lengi buči thaj sar žjan e nominatcia pe amari webbiski rig isof.se/sprakcentrumstyrgrupper.
Ame rodas but neve bučarne
Vorta akana rodas bučake phirajitoria thaj šibake vazditoria kai la šibake centruri. O pasletno djes te keres aplikatcia pe le ružni šiba si:
- Meänkieli i Övertorneå – pasletno djes sas o 4/4
- Finska – pasletno djes sas o 10/4
- Jiddisch – pasletno djes si o 20/4
- Romska – pasletno djes si o 20/4
- Meänkieli i Kiruna – pasletno djes si o 22/4
Le natcionalnio šibenge centruri si te aven andre ande jekh nevo departamento ando isof kudo le dikhimasa pe natcionalnio minoritonge šiba thaj kultura. Anda kudo ame rodas mai bute bučarnen kai kado departamento thaj vi mai skurto bučaki vriama tela etablimasko čajto, naprimer šibake konsiljuri ando meänkieli thaj šibake konsiljuri ande romani šib.
Tu šai arakhes sa le nevimata thaj buča kai avena mai angle pe amari webboski rig isof.se/jobbapasprakcentrum thaj katar le isofoski Linkedin – rig thaj kaver kanaluria.
Vizita kai o Övertorneå thaj Kiruna
La šibake vazditoria si te avel len e Kiruna sar bazo. La šibako centro pe meänkieli si te avela ando Övertorneå thaj Kiruna tela o berš 2022. Kai la šibako centro la bučako phirajitoro thaj jekh šibako vazditoro avela todino ando Övertorneå thaj inke mai duj kerena buči ando övertorneå site kerdjol e buči ketane la komunasa thaj la bibliotekasa pe meänkieli ando Nordkalottens kulturako- thaj forskningscentrum.
O 5-6 april kerda o Isof jekh vizita kai o Övertorneå kaste ketane le ženentca kai reprezentin e komuna, vuči škola thaj e biblioteka te arakhen ketane lokaluri thaj te planerin pe la bučake thana kai avela kai biblioteka thaj ka šibako centro. E nedžazia si ke la šibako centro si te avena gata le bučarnenge thana thaj le lokaluria sa gata ži po atunči. O Isof vi maladjila kusa le lokalnio asosiatcia thaj le Švedoski khangeri.
O 4-5 majo o Isof site žjal ando Kiruna te šai lel pe ketane e buči pa šibakp centro kusa e komuna ande Kiruna thaj o sametinget. Kusa o Sametinget o Isof si len e missia te keren jekh propozitcia pe indikatoruri te šai len pe te dikhen sar vazdel pe e buči ande natcionalnio minoritoske šiba
Čiro gindo si amenge važno
Ame pleznajis kudo baro starajimos thaj intereso kai si pai e buči te kerdjon natcinalnio šibake centruri thaj kusa ketane konsiljuri thaj kolaboratciona astardam but važno ginduri thaj ideji kai e buči pe mai angle. O kaver nevimasko lila vela ando majo.
Pe amaro šibako centrosko webbo isof.se/sprakcentrum šai djines mai bu tsar žjal e buči angle thaj te avela tut pušimata vaj ginduri pa amari buči ša šibako centro šai keres amentca kontakto pa elektroniko lil sprakcentrum@isof.se!
/Ann Heimer,
projektledare för språkcentrumarbetet på Isof