Nevimasko lil 1 šibako centro

Ando 1 januari lape o Isof te kerel peski planerimaski buči mai anglal sar te thon o šibako centro, lengo tsego si ke but anda lende si te aven po than tela o berš 2022.

Ando žutipe katar but kompetencia katar e administratcia thaj konsulatcia katar le konsiljuri žjal e buči angle. Pe amari weboski rig språkcentrum šai djines sodi de but geli e buči angle: isof.se/sprakcentrum External link..

But konsiljoske čidimata sas

Ando februari kerda o isof but konsiljoske čidimata kusa le diferentno šiba – thaj vi čidimos kusa organizactji kai phiraven le natcionalnio minoriteturi, thaj vi puterde čidimata sa kudolenge kai den duma vaj kai interesujil len le šiba. Totalnio kerdam ketane inja konsiljoske čidimata tha maladjilam 125 žjenentca. Sas vi posibilita kudoleske kai kamelas te ramol peske propozitcji thaj ginduria pe webboski rig.

Ande kadala konsiljoske čidimata sas ame diskuscji pa e buči kruglom le aktiviteturi thaj te žjanas soski posibilita šai den kai le natcionalnio minoriteturi katar le direktivno grupi pe svako jekh anda la šibake centruri. Dialogo sas vi kerdo pe kudo sar te thas ketane le direktivno grupi thaj sosko responsablite te len.

Nominatcia ka direktivno grupi

Ando marso biris tu sar jekh privatno manuš vaj kam san ande jekh organizatcjia te nominis (te thos čo glaso)

Pe jekh kandidato kai halos te avel andre ando direktivno grupa kai avela todini pe svako šibako centro. Šai nominis manušen kai tu gindis ke šai anen žanglipe kai buči pe šibako centro, numa trubul kudo manuš te ašel dakordo pe nominatcia. Djin mai but pa direktivno grupi thaj sar žjal e nominatcia pe amari webboski rig isof.se/sprakcentrumstyrgrupper External link.

O than kadala direktivoske grupi mai anglal sar te avel todino la šibako centro avela te len pe pala e buči kai kerel o isof te anzarel opre e aktivitacia thaj te den amen zor thaj konsulatcia ande buči. Kana avena la šibake centrumuri po than atunči si te maladjon le direktivno grupi ande jekh than štarvar o berš.

Aktivitciaki buči

O natcionalnio šibako centro trubul te del žutipe thaj haliaripe kai vušuril le žjenenge kai den duma kadia šib ande antrego them te inkerdjol, te len palpale thaj te vazden peski šib – kaste le natcionalnio minoritoske šiba šai trajin mai dur ando Švedo. Ande le konsiljoske čidimata sas diskucjia pa la aktivitaciaki buči thaj sas posibilita the anen angle ginduri thaj žutipe žanglimasko kai si pa le diferentno šiba thaj lengi šanca thaj trubupe.

O resultato katar le dialoguri kruglom e aktivitatcia site avela o fundamento pe angluni aktivitaciaki buči katar le diferentno šibake centruri. O plano le dirižimasko pe svako jekh anda lende avela porme zumado thaj vorbime ande le direktivno grupi karing o milaj.

Buča avena todine avri

Katar o punkto le teliarimasko katar e aktivitetcia kai avela kerdi kai la šibako centro o Isof lape te planujil sar trubul e aktivitatcia te avel bučardini. Karing o milaj avela but buča todine avri thaj rispime avri pe amari webboski rig isof.se/sprakcentrum thaj katar nevimasko lil, Isofosko LinkedIn-rig thaj kaver kanaluri. Le sama pala le buča kai si te aven thaj phenen mai dur kado avri le žjenenge kai si interesime!

Dialogo pa lokaluri

La šibako centro pe finlandezisko šib si te avela todino ande Uppsala, jiddisch avela ando Stockholmo, meänkieli ando Kiruna thaj romano ando Stockholmo. Vorta akana keras dialoguri kusa le komuni thaj administratcji faima te keras lokalnio kolaboratciona pe le diferentno gora. Ame si te phenas mai but pa kado ando nevimasko lil kai avela.

Čire ginduria si važno

Ame pleznajis o starajimos thaj intereso kai si pala o puterimos katar la šibako centro thaj pala konsiljuri thaj andre line ginduri lam andre importanto ginduri thaj ideji ande buči mai angle le planimaski. O kaver nevimasko lil avela mukhlo kana getola o marso. Te avela tut pušimata thaj ginduri pa amari buči pe la šibako centro šai keres amentca kontakto pa elektroniko lil sprakcentrum@isof.se!

/Ann Heimer,
projektoski šerutni pa šibako centroski buči.