Meänkielen seminaari 2022

Meänkielen seminaari 2022. Miniseminaari Zoomissa. Aika: maanantai 28/11 kl 10-12.

Teema: Nimet

Oleks sie hunteerannu ette mikä Övertorneå oikeastamyöten oon meänkielelä? Tiesyltissä lukkee "Matarengi" mutta monet sanova "Matarinki", ja jokku jotaki muuta - miksis se oon niin? Mitä jos jollaki paikala oon yks nimi ihmisten puhheessa mutta aivan toinen nimi kartassa? Minkälainen oon meänkielisen paikannimen reisu puhekielestä viraliseksi nimeksi karthaan?

No entä kunka sukunimi Niva sanothaan, lyhkänen i eli pitkä ii? Miksi “nationellt språkcentrum” oon meänkielelä “kansalinen kielikeskus” eikä esimerkiksi “natsunelli kielisentteri”? Tämmösiä kysymyksiä meänkielen kielenhuolossa hunteerathaan.

Tule kuuntelehmaan ko Isofin paikannimiekspertti Björn Lundqvist selittää meänkielen paikannimistä ja meänkielen kielenhuoltaja Elina Kangas puhhuu kielenhuolosta.

Ilmota ittesti myötä meililä meankieli@isof.se niin saat Zoom-länkin.