Meänkielen kielikeskus: Avvoin neuvonpito
Kielen ja kansanperintheen instityytti, Isof, kuttuu avvoimheen neuvonpithoon kuulemhaan uutisia meänkielen kielikeskuksen työstä ja keskustelemhaan suunitelmista, jokka koskeva tulevaa työtä.
Aika ja paikka
Aika: Perjantai 9 päivä maita, kl. 10–12.
Paikka: Neuvonpito piethään Zoomin kautta. Kuttu ja länkki lähätethään e-postila sen jälkheen ko olet ilmottautunu.
Ilmottautuminen: Ilmottautuminen formyläärilä, joka oon tässä alla. Ilmota ittesti myötä niin hopusti ko maholista.
Kielikeskus eistää maholisuuksia ette kansalisia vähemistökieliä voitais revitaliseerata ja ette kielet säilysit elävinnä kielinä Ruottissa. Meänkielen kielikeskus toimii kansalisesti. Kielikeskuksen toiminta oon pantu käynthiin uuesti sen jälkhiin ko hallitus päätti uuistaa Isofille annetun kielikeskustehtävän.
Kielen ja kansanperintheen instityytti, Isof, kuttuu nyt avvoimheen neuvonpithoon missä informeerathaan Meänkielen kielikeskuksen työstä 1 janyaaria 2025 lähtien ja keskustelhaan tarpheista jokka liittyvä meän tulehvaan työhön.
Kokkous piethään tikitaalisesti Zoomissa. Ohjelmassa oon presentasuuni, jossa esitelhään sitä mitä oon tehty toiminan uuehleen alottamisen jälkhiin. Met kans keskustelemma tarpheista ja ideoista. Voit lähättää ehotuksia ja kysymyksiä etukätheen klikkaamalla tästä
Osalistujat Isofilta
Harriet Kowalski, osastonjohtaja, Kansaliset vähemistökielet ja ruottalainen viittomakieli
Anna Gezelius, yksikönjohtaja, Kielikeskus
Adam Selldén, meänkielen kieleneistäjä
Elina Kangas, meänkielen kielenhuoltaja
Meri Alarcón, meänkielen kieleneistäjä
Ilmota ittesti myötä
Ilmota ittesti täyttämällä ja lähättämättä sisäle tässä alla oleva formylääri. Länkki kokkoukseen lähätethään sulle e-postila siihen osotheesseen jonka kirjotat formyläähriin.