Meänkielen päivä 2025

Tikitaalinen seminaari tuorestaina 27/2 kl. 10:00–11:30

Kl. 10:00 Tervetuloa!
Meänkielen päivää fiirathaan 27/2. Tänä vuona Isof markkeeraa juhlapäivää järjestämällä tikitaalisen seminaarin, jossa oon kaks jännää teemaa: kieliteknologia ja manalaiset! Tervetuloa kuuntelemhaan ja osalistumhaan. (Kieli: päänäns meänkieli, osaksi ruotti)

Kl. 10:15 Kieliteknologiaa
Isofin työntekijät Rickard Domeij, Elina Kangas ja Jacob Larsson selittävä kieliteknologiasta.
• Mitä kieliteknologia oon ja miksi sitä oon tärkeä kehittää kans pienile kielile? (Kieli: ruotti)
• Mitä kieliteknologiaa meänkielele oon olemassa ja mitä oon tekheilä?
(Kieli: meänkieli)

Kl. 11:00 Manalaisjuttuja
Kirjailija, sanakirjan tekijä ja meänkielen dusentti Birger Winsa kertoo manalaisjuttuja. Tule kuuntelemhaan ja kyselemhään manalaisista ja pöökäristä! (Kieli: meänkieli)