Se oon taas Fiikkarastin ja tikitaalisten träffien aika!

Fiikkarastin ajatus oon ette esikouluopettajat, petakookit ja opettajat saava tilasuuen keskustella maholisista haastheista ja maholisuuksista ja kans jakkaa tipsiä ja kokemuksia petakookisesta verksamheetista eli meänkielen opettamisesta.

Syksyn ajat:

Viikko 43 - maanantai 21 oktuuperia kl. 16-17

Kylttyyripetakooki (ja kans koulutettu esikoulunopettaja) Sari Oja ja vapaa-ajan petakooki Astrid Kruukka oon myötä ja selittävä heän kokemuksista ko tekkee töitä meänkielen etheen eli meänkielelä kläpitten ja nuoritten kans.

Viikko 46 - maanantai 11 nuvemperiä kl. 16-17

Mervi Erkheikki ja Susanne Redebo presenteeraava heän uuen oppimateriaalin "Tule sieki!". Het ottava mielelä vasthaan feedbackia ja kysymyksiä materiaalista.

Viikko 49 - maanantai 2 tesemperiä kl. 16-17

Tietoa maholisista viehraista tullee hiljemin.

Fiikkarastile ei tartte ilmottautua. Se ei ole muuta ko kopplata ylös tämän länkin kautta sitte ko oon fiikkarastin aika: https://uu-se.zoom.us/j/66936447645 External link.

Säästä länkki, met käytämä sammaa länkkiä joka träffissä.

Levitä mielelä tietoa niile jokka saattasit hyötyä tästä heän petakookisessa työssä eli meänkielen opetuksessa.

Met näemä!