Tämän vuen seminaarin paikkana oon Pajalan Folkets hus. Seminaari oon ilmanen ja met tarjoama kans lynsin ja fiikan.
Seminaaripäivän alotethaan kello 11 mingelillä ja messupöyilä Folkets husin foajeessa. Paikan päälä oon Kielen ja kansanperintheen instityytti (Isof), Pajalan kunta, Meänmaa, Svenska Tornedalingars Riksförbund – Tornionlaaksolaiset (STR-T), Meänkielen resyrsipipluteekki ja Polarbibblo. Kello 11.30 oon lynsin vuoro ja itte seminaariohjelma alkaa kello 12.30 ja loppuu 16.45. Seminaaripäivä heitethään Höstorkesterin konsäärillä ja Ummikkos-pjääsin repetisuunin kattomisella.
Lynsile ja seminaarhiin häätyy ilmottautua etukätheen. Messupöytiä, konsääriä ja pjääsin repetisuunia saattava kaikin tulla kattomhaan eikä tartte ilmottaa etukätheen.
Kielen ja kansanperintheen instityytti (Isof): Meri Alarcón, meänkielen kieleneistäjä Elina Kangas, meänkielen kielenhuoltaja Maria Nyström Krantz, meänkielen kieleneistäjä Adam Selldén, meänkielen kieleneistäjä Martin Sundin, pääjohtaja
Pajalan kunta: Regina Veräjä, minuriteettikielikoortinaattori Birgitta Rantatalo, kunnanrooti/kunnanhallituksen puhheenjohtaja
13.05Iteasta värsthaan – esimerkkiä konkreettisestä minuriteettityöstä Pajalan kunnassa Regina Veräjä, minuriteettikielikoortinaattori, Pajalan kunta Ellen Autio, toiminanjohtaja, Pajalan pipluteekki
13.30 Isofin kielikeskustyöstä Anna Gezelius, yksikönjohtaja, Kielikeskus Harriet Kowalski, osastonjohtaja, Kansalisten minuriteettikielten ja ruottalaisen viittomakielen osasto
14.05 Meänkieli Pajalan kunnan esikouluissa Johanna Hjärtström, esikoulun opettaja Johanna Toolanen Pekkari, petakookian kehittäjä Pajalan kunnan esikouluissa
Johanna Hjärtström ja Johanna Toolanen Pekkari selittävä heän työstä meänkielen kans esikoulussa.
14.40 Meänkielen resyrsipipluteekki – perspektiiviä pipluteekkimailmasta Raisa Leussu, pipluteekin johtaja
Raisa Leussu selittää siittä minkälaisia oppikokemuksia ja plaania meänkielen resyrsipipluteekilä oon tänä päivänä ko alottamisesta oon kulunu neljä vuotta.
15.00 Aktiviteetitten esittely Tässä esittelemmä kolme eri aktiviteettia, joista saat valita yhen mihin haluat osalistua fiikan jälkhiin.
Pruuvaa kääntää raamatuntekstiä Anders Alapään, Linnéa Nylundin, Märta Nylundin ja Ritvaelsa Seppälän kans
15.50 Aktiviteetit Valitte mihin näistä kolmesta aktiviteetista haluat osalistua: Pruuvaa kääntää raamatuntekstiä, pruuvaa kirjottaa meänkielinen laulu eli tule myötä keskusteluaktiviteethiin, jossa käytethään Isofin Fiikkaa meänkielelä-materiaalia.
Maholisuus nähä Ummikkos-pjääsi viikko ennen premiääriä! Pjääsi oon Tornionlaakson teatterin ja Riksteatterin kans yhtheistyöprotyksuuni. Camilla Blomqvistin draama. Ohjaus Filip Alexanderson.
